06 دسمبر ، 2016 
دہشتگردی کیخلاف عدم برداشت کی پالیسی ہے، آرمی چیف
06 دسمبر ، 2016
آرمی چیف جنرل قمر جاوید باوجوہ نے کہا ہےکہ دہشت گردی کے خلاف مکمل عدم برداشت کی پالیسی ہے، دہشت گردوں کے خلاف بلاامتیاز آپریشن کیا جائے۔
آرمی چیف جنرل قمر جاوید باوجوہ نے کوئٹہ کادورہ کیا ، اس موقع پر گفتگو کرتےہوئے انہوں نے کہاکہ آپریشن میں انٹیلی جنس اور سیکیورٹی اداروں سے تعاون کیا جائے۔
آرمی چیف نے ہدایات جاری کیں کہ بلوچستان میں جاری ترقیاتی منصوبوں کو جلد مکمل کیا جائے ، اقتصادی راہداری منصوبوں کو فول پروف سکیورٹی دی جائے۔
اس موقع پر آرمی چیف کو بلوچستان کی سیکیورٹی صورتحال پر بریفنگ بھی دی گئی، آرمی چیف جنرل قمر جاوید باجوہ نے یادگار شہداء پر پھول چڑھائے، انہوں نے سدرن کمانڈ کا دورہ بھی کیا، اس سےپہلے جب آرمی چیف کوئٹہ پہنچے تو کمانڈر سدرن کمانڈ لیفٹیننٹ جنرل عامر ریاض نے ان کا استقبال کیا۔
