پاکستان
06 دسمبر ، 2016
06 دسمبر ، 2016 
کراچی :رینجرز کی کارروائیاں،15ملزمان گرفتار
06 دسمبر ، 2016
سندھ رینجرز نے کراچی کے مختلف علاقوں میں کارروائیاں کرکے 15 ملزمان کوگرفتار کرلیا۔
رینجرز کے ترجمان کے مطابق یہ کارروائیاں گڈاپ ٹاؤن، نارتھ ناظم آباد، گلشن اقبال، شاہ فیصل کالونی اور ملیر میں کی گئیں، گرفتار ملزمان میں سے 8 کا تعلق ایم کیوایم لندن کے عسکری ونگ اور ایک ملزم کا تعلق لیاری گینگ وار سے ہے۔
ترجمان نے بتایا کہ دیگر ملزمان میں ایرانی ڈیزل کے 2 اسمگلر اور 4 اسٹریٹ کرمنلز بھی شامل ہیں، ملزمان سے اسلحہ اور 10 ہزار لیٹر ایرانی ڈیزل برآمد کیا گیا ہے۔
دوسری جانب ناظم آباد اور لانڈھی سے اسنیپ چیکنگ کے دوران 2 ملزمان کوحراست میں لے کر اسلحہ برآمد کرلیا گیا ہے۔
