15 فروری ، 2017 
صادق آباد:لنڈا بازارمیں لگی آگ پر5 گھنٹے بعد قابوپا لیاگیا
15 فروری ، 2017
صادق آباد کےلنڈا بازار میں لگی آگ پر 5 گھنٹے بعد قابو پا لیا گیا۔ گزشتہ رات بازار میں آگ لگنے سےچار سو سے زائد دکانیں اور پتھارے جل گئے تھے۔قریبی گوشت مارکیٹ بھی لپیٹ میں آ گئی ۔سیکڑوں مرغیاں مرگئیں۔
صادق آباد کے لنڈا بازارمیں منگل کی رات تقریبا ًگیارہ بجے اچانک آگ بھڑک اٹھی ۔ آگ اتنی شدید تھی کہ اس نے دیکھتے ہی دیکھتے پورے بازار کو اپنی لپیٹ میں لے لیا ۔
آگ لگنے سے بازار میں قائم چار سو سے زائد دکانیں اور پتھارے جل گئے جس کے نتیجے میں لاکھوں روپے مالیت کا سامان جل گیا ۔ آگ کی شدت کے باعث قریبی واقع گوشت مارکیٹ بھی اس کی لپیٹ میں آگئی ۔
ریسکیو ذرائع کے مطابق تیز ہوائوں کے باعث آگ تیزی سے پھیلی اور آگ بجھانے میں مشکلات کا سامنا کرنا پڑا اور ریسکیو اہلکاروں کی اضافی نفری کو طلب کرنا پڑا جبکہ فائربریگیڈ کی چودہ گاڑیوں نے آگ بجھانے میں حصہ لیا ۔
