دنیا
16 فروری ، 2017
16 فروری ، 2017 
جوہری ہتھیاروںپر پابندی،آسٹریلیا کا کانفرنس میں شرکت سے انکار
16 فروری ، 2017
آسٹریلیا نے اقوام متحدہ کے زیراہتمام اس کانفرنس میں شرکت سے انکار کر دیا ہے، جس میں جوہری ہتھیاروں کی پابندی عائد کرنے کے حوالے سے مذاکرات کا انعقاد کیا جاناہے۔
یہ کانفرنس 27 مارچ کو امریکی شہر نیویارک میں منعقد کی جا رہی ہے۔ آسٹریلوی وزارت خارجہ کے ایک بیان کے مطابق جوہری ہتھیاروں پر پابندی عائد کرنے کی مجوزہ ڈیل سے مطلوبہ نتائج کا حصول ممکن نہیں ہے۔
گزشتہ برس ایک سو تئیس ممالک نے اس کانفرنس کے انعقاد کی حمایت کی تھی۔ تاہم آسٹریلیا ان اڑتیس ممالک میں شامل ہے، جنھوں نے اس حوالے سے مخالفت کی تھی۔
