پاکستان
24 فروری ، 2017
24 فروری ، 2017 
فیصل آباد: تربیتی طیارہ گرکرتباہ،2افراد جاں بحق
24 فروری ، 2017
فیصل آباد میں نجی فلائنگ اسکول کا تربیتی طیارہ فنی خرابی کے بعد ہنگامی لینڈنگ کے دوران رن وے پر گر کر تباہ ہو گیا،طیار ے میں سوار انسٹریکٹر اور تربیتی پائلٹ موقع پر جاں بحق ہوگئے۔
ریسکیو ذرائع کے مطابق نجی فلائنگ اسکول کا طیارہ معمول کی تربیتی پرواز پر تھاکہ طیارے میں اچانک فنی خرابی پیدا ہو گئی، اس دوران طیارے نے رن وے پر ہنگامی لینڈنگ کی کوشش کی، تاہم گر کر تباہ ہوگیا، طیارے میں موجود انسٹرکٹر محمد احمد اور تربیتی پائلٹ محمد معاذ موقع پر جاں بحق ہوگئے۔
طیارے کا ملبہ رن وے سے ہٹا دیا گیا ہے اور تحقیقات شروع کردی گئی ہیں۔
