لندن…متحدہ قومی موومنٹ کے قائد الطاف حسین نے شب برات کے موقع پر پاکستان کی سلامتی، استحکام ،امت مسلمہ سمیت تمام انسانیت کیلئے امن وفلاح اور گناہوں کی مغفرت کیلئے دعاکی ہے ۔شب برات کے موقع ایم کیوایم کے مرکزنائن زیرو اورانٹرنیشنل سیکریٹریٹ پر ذمہ داران وکارکنان سے گفتگو کرتے ہوئے الطاف حسین نے دعاکی کہ اللہ تعالیٰ اس مبارک اورمقدس شب کے صدقے ہمارے تمام صغیرہ کبیرہ گناہوں اورخطاوٴں کومعاف فرمائے،ہم سب پر اپنارحم وکرم نازل فرمائے، تمام امت مسلمہ اورپوری انسانیت پر اپناکرم فرمائے،حق اورسچ کی راہ میں اپنی جانیں قربان کرنے والے تمام شہیدوں کی مغفرت فرمائے، ان کے درجات بلند فرمائے، ہمیں حق اورسچ کی راہ میں ہمیشہ ثابت قدم رکھے، حق پرستوں کی غیب سے مددفرمائے ، بھوک ، فاقہ کشی ،غربت ،بیروزگاری اوردیگرمشکلات اور پریشانیوں میں گھرے ہوئے تمام لوگوں کی مشکلات اورپریشانیوں کودورفرمائے، سب کوامن وسکون عطا کرے ۔ اس موقع پر تمام ذمہ داران وکارکنان نے الطاف حسین کی درازی عمر، صحت وتندرستی اورتحریک کی کامیابی کیلئے دعائیں کیں۔ دریں اثناء قائد تحریک الطاف حسین نے ایم کیوایم پنجابی سرائیکی آرگنائزنگ کمیٹی کراچی کے جوائنٹ انچارج نعمان سہگل کی والدہ محترمہ شہناز سہگل کی علالت پر گہری تشویش کاا ظہار کرتے ہوئے ان کی جلد و مکمل صحتیابی کیلئے دعا کی ہے ۔ایک بیان میں الطاف حسین نے حق پرست ماؤں ، بہنوں ، ماؤں، بہنوں ، بزرگوں ، نوجوانوں اور کارکنان سے اپیل کی ہے کہ وہ محترمہ شہناز سہگل کی صحتیابی کیلئے اللہ تعالیٰ کے حضور خصوصی دعا ئیں کریں۔