06 جولائی ، 2012 
میرانشاہ: دتہ خیل میں امریکی میزائل حملہ، 4 افراد جاں بحق، متعدد زخمی
06 جولائی ، 2012
میرانشاہ … نیٹو سپلائی بحال ہونے کے تیسرے روز ہی پاکستان کے قبائلی علاقے میں جاسوس طیارے نے میزائل حملہ کردیا، 4 افراد جاں بحق اور متعدد زخمی ہوگئے۔ ذرائع کے مطابق میرانشاہ میں دتہ خیل کے علاقے گرویک میں جاسوس طیارے سے ایک گھر پر 2 میزائل داغے گئے، حملے کے نتیجے میں گھر مکمل طور پر تباہ ہوگیا اور اس میں موجود 4 افراد موقع پر ہی جاں بحق جبکہ متعدد زخمی ہوگئے۔ مقامی ذرائع کے مطابق حملے کے بعد بھی کافی دیر تک علاقے میں 2 سے زائد جاسوس طیارے پرواز کرتے رہے، جس کے باعث امدادی کارروائی میں مشکلات کا سامنا کرنا پڑا۔ افغانستان میں نیٹو افواج کو پاکستان کے راستے سپلائی بحال کئے جانے کے تیسرے روز پاکستان کے قبائلی علاقے میں یہ پہلا ڈرون حملہ ہے جبکہ رواں سال کے دوران پاک سر زمین پر یہ 27 واں ڈرون حملہ ہے۔
مزید خبریں :
