08 جولائی ، 2012 
نیٹوسپلائی کی بحالی کیخلاف اسلام آباد تک دفاع پاکستان ریلی
08 جولائی ، 2012
لاہور…نیٹوسپلائی بحالی کیخلاف دفاعِ پاکستان کونسل کا لانگ مارچ لاہورسے شروع ہو چکا ہے،یہ لانگ مارچ جی ٹی روڈ کے رستے کل بروزپیر اسلام آباد پہنچ کر اختتام پذیر ہو گا،لانگ مارچ کے شرکاء مسجدشہداء سے ناصر باغ پہنچے توشرکاء نے پْرجوش انداز میں نعرے بازی کی۔ نیٹوسپلائی بحالی کے خلاف دفاع پاکستان کونسل کے زیراہتمام اسلام آباد کیلئے لانگ مارچ لاہور کے ناصر باغ سے شروع ہوا۔دفاع پاکستان کے مرکزی قائدین مولاناسمیع الحق،حافظ سعید،منور حسن، شیخ رشید ،حمید گل اوردیگررہنماء مارچ کی قیادت کر رہے ہیں،قائدین نے لانگ مارچ کے آغازسے قبل مسجد شہداء میں نوافل اداکئے،اِس موقع پر کارکنوں کی بڑی تعداد بھی موجودتھی۔بعد میں مولانا سمیع الحق سمیت دیگر قائدین نے میڈیاسے گفتگو کی،انہوں نے کہا کہ لانگ مارچ نیٹوسپلائی کے خلاف جدوجہدکاآغاز ہے ،اُن کااحتجاج پْرامن ہے،عوام گھروں سے نکل کرلانگ مارچ کااستقبال کریں اوران کے ساتھ چلیں۔
