فیصل آباد/بہاولپور … فیصل آباد میں دہشت گردی کا منصوبہ ناکام بناتے ہوئے اسلحے سے بھری گاڑی قبضے میں لے لی گئی ،بہاول پور میں بھی چھاپے کے دوران کارتوس سے بھری بوریاں برآمد کی گئیں اور دو ملزمان گرفتار کرلئے گئے۔ جوائنٹ ڈائریکٹر اینٹی نارکوٹکس فورس پنجاب لیفٹنٹ کرنل محمدامجد نے میڈیا کو بریفنگ دیتے ہوئے بتایا کہ خفیہ اطلاع پر ڈپٹی والا انٹر چینج کے قریب کارروائی کی گئی، جہاں ایک گاڑی سے 11رپیٹر،32پستول اور 7ہزار گولیاں برآمد ہوئیں، جبکہ گاڑی میں سوار دونوں ملزمان کو بھی گرفتار کرلیا گیا ہے جن کا تعلق کالعدم تنظم سے بتایا جاتا ہے دونوں ملزمان پشاور کے علاقے متنی کے رہائشی ہیں،کرنل محمد امجد کے مطابق ملزمان پنجاب کے مختلف اضلاع میں اسلحہ اور منشیات فراہم کرتے تھے جو دہشت گردی کی کارروائیوں میں استعمال کیا جاتا تھا، وسری جانب بہاول پورمیں بھی ایک کامیاب کارروائی کے بعددہشت گردی کا منصوبہ ناکام بنادیا گیا ، ایس ایچ او یزمان عامرغوری کے مطابق پولیس نے لاری اڈہ کے قریب ایک مشکوک رکشہ کی تلاشی لی تو رکشہ سے 7بوریوں میں کارتوس اور 3بوریوں میں پستول کی گولیاں برآمد ہوئیں ، پولیس نے 2ملزمان کو گرفتار کرلیاہے۔