اینکر مرید عباس قتل کیس بڑے مالیاتی اسکینڈل میں تبدیل

کراچی میں نجی ٹی وی کے اینکر پرسن مرید عباس اور ان کے دوست خضر حیات کے قتل کی تحقیقات ایک بڑے مالیاتی اسکینڈل میں تبدیل ہو چکی ہیں۔

ایف آئی اے، ایف بی آر اور دیگر اہم ادارے بھی معاملے کی چھان بین میں شامل ہو گئے ہیں اور اس سلسلے میں اہم انکشافات سامنے آئے ہیں۔

تازہ رپورٹس کے مطابق ملزم عاطف کے پاس بعض اینکر پرسنز، میڈیا سے تعلق رکھنے والے افراد اور دوستوں نے بھاری سرمایہ کاری کر رکھی تھی جن میں سے پولیس نے لگ بھگ 30 بڑے سرمایہ کاروں کی تفصیلات جمع کی ہیں جن کے بیانات قلمبند کرنے کا سلسلہ جاری ہے۔

جیو نیوز نے کھوج لگا لیا ہے کہ عاطف زمان کے مالیاتی اسکینڈل میں کس نے کتنا مال لگایا، ملزم عاطف زمان کے پاس اس کے سسر اور بھائی کی بھی بھاری سرمایہ کاری نکلی ہے۔

ٹی وی اینکر مرید عباس اور خضر کے قتل کی گتھیاں سلجھنے لگیں

لرزہ خیز واردات کی وجہ ٹائروں کا بزنس بنا، ملزم نے کاروبار میں مرید عباس سمیت کئی افراد سے 20 کروڑ روپے سے زائد کی سرمایہ کرا رکھی تھی

رپورٹ کے مطابق عاطف زمان کو 54 کروڑ روپے کا سب سے زیادہ سرمایہ یاسر نامی شخص نے دیا تھا جس کے بعد دوسرے نمبر پر ایاز شوکت کی اہلیہ صدف ہیں جن کی 17 کروڑ 2 لاکھ روپے کی سرمایہ کاری سامنے آئی ہے۔

مقتول اینکر مرید عباس نے 11 کروڑ 72 لاکھ روپے کا سرمایہ ملزم عاطف کو فراہم کیا تھا، عمر حیات نے 8 کروڑ 56 لاکھ جب کہ اینکر مدثر اقبال نے 7 کروڑ 50 لاکھ 57 ہزار لگا رکھے تھے۔

ملزم عاطف کے سسر عظیم خان نے بھی اپنے داماد کو 4 کروڑ 52 لاکھ 17 ہزار سرمایہ کاری کے نام پر دیئے۔

ایک بینک مینیجر سیف نے 3 کروڑ 91 لاکھ 75 ہزار روپے کی سرمایہ کاری کی جب کہ ایک اینکر پرسن فواد زیدی نے 3 کروڑ 34 لاکھ روپے منافع پر دے رکھے تھے، عدنان مصطفی نے 2 کروڑ 92 لاکھ جب کہ حنین نے 2 کروڑ 72 لاکھ روپے بطور سرمایہ عاطف زمان کے پاس لگائے۔

پروڈیوسر لبنیٰ احمد نے ایک کروڑ 75 لاکھ جب کہ ہمایوں نے ایک کروڑ 95 لاکھ روپے کی سرمایہ کاری کی۔

اینکر مرید عباس قتل کیس میں مزید انکشافات سامنے آنے لگے

ٹائروں کے غیر قانونی کاروبار میں اینکرز کے علاوہ کئی بینکرز نے بھی سرمایہ کاری کر رکھی تھی، ایک متاثرہ بینکر نے جیو نیوز کو تفصیلات سے بھی آگاہ کیا۔

عاطف زمان کے بھائی عادل زمان کے نام بھی ایک کروڑ 50 لاکھ 50 ہزار کی سرمایہ کاری نکلی ہے۔

ماجد حسین کا ایک کروڑ 29 لاکھ جب کہ عرفان حیدر کے ایک کروڑ 21 لاکھ روپے کا ریکارڈ سامنے آیا ہے۔

ایک ریٹائرڈ میجر مدثر کے ایک کروڑ 20 لاکھ اور ایک مکینک صابر کی 87 لاکھ روپے کی سرمایہ کاری سامنے آئی ہے۔

حماد خان نامی شہری نے 72 لاکھ، بینش اقبال نے 37 لاکھ، سدرا سید نے 35 لاکھ روپے سرمائے پر لگائے۔ کرن شاہ نے ساڑھے 18 لاکھ اور شاہد نے 17 لاکھ 56 ہزار روپے کی سرمایہ کاری کی۔

سرمایہ کاری کرنے والے دیگر شہریوں میں راجہ محمود، عزیز عباسی، طارق راجپوت بھی شامل ہیں۔

مرید عباس قتل کیس کے تانے بانے اسمگلنگ اور منی لانڈرنگ تک جا پہنچے

ملزم عاطف زمان ٹائروں کی اسمگلنگ کے دھندے سمیت منی لانڈرنگ میں بھی ملوث ہے: پولیس

اینکر قتل کیس: بیوی بچوں کو غائب کرنے کی دھمکی پر سنگین قدم اٹھایا: ملزم عاطف

ملزم عاطف زمان کا زیادہ تر کاروبار غیر قانونی تھا اور وہ افغانستان سے ٹائر اسمگل کر کے مقامی مارکیٹ میں فروخت کرتا تھا: پولیس