بھارتی اپوزیشن نےمسئلہ کشمیرپرسلامتی کونسل کےاجلاس کومودی کی سفارتی ناکامی قراردیدیا

نئی دہلی: بھارت کی حزب اختلاف کی جماعت کانگریس نے اقوام متحدہ کی سلامتی کونسل میں مسئلہ کشمیر پر اجلاس کو مودی حکومت کی سفارتی ناکامی قرار دیدیا۔

گزشتہ روز اقوام متحدہ کی سلامتی کونسل میں مقبوضہ کشمیر کی صورتحال پر 50 برس بعد تاریخی اجلاس منعقد ہوا جس میں 15 رکن ممالک نے اس بات کی نفی کر دی کہ کشمیر بھارت کا اندرونی معاملہ ہے۔

'سلامتی کونسل اجلاس نے اس بات کی نفی کردی کہ کشمیر بھارت کا اندرونی معاملہ ہے'

ہم مقبوضہ جموں و کشمیر کے مسئلے کا پُرامن حل چاہتے ہیں، نہتے کشمیریوں کی آواز آج اعلیٰ ترین فورم پر سنی گئی، ہماری کوششیں مسئلے کے حل تک جاری رہیں گی، ملیحہ لودھی

ترجمان بھارتی کانگریس ابھیشیک سنگھوی نے بھارتی میڈیا سے گفتگو کرتے ہوئے مسئلہ کشمیر پر سلامتی کونسل کے اجلاس کو بھارتی حکومت کی سفارتی ناکامی قرار دیا۔

ابھیشیک سنگھوی کا کہنا تھا کہ کشمیر کا معاملہ بین الاقوامی سطح پر اجاگر ہونا بھارتی حکومت کی سفارتی اور اسٹریٹجک ناکامی ہے۔

بھارتی وزیر دفاع راجناتھ سنگھ کی جانب سے جوہری ہتھیاروں کے استعمال سے متعلق بیان پر ترجمان کانگریس نے کہا کہ جوہری معاملہ بہت حساس نوعیت کا ہے، اس پر مبہم بات نہیں کی جا سکتی لہذا اس حوالے سے مودی سرکار واضح پالیسی بیان جاری کرے۔

بھارت کی دنیا کا امن خطرے میں ڈالنے کی دھمکی

بھارت جوہری ہتھیاروں کے حوالے سے اب تک 'نو فرسٹ یوز' کی پالیسی پر قائم رہا، مستقبل میں کیا ہو گا اس کا انحصار حالات پر ہے: بھارتی وزیر دفاع کی گیڈر بھبکی

خیال رہے کہ بھارت کے یوم آزادی پر مرکزی تقریب میں بھی اپوزیشن رہنما سونیا گاندھی اور راہول گاندھی شریک نہیں ہوئے تھے اور پاکستان اور مقبوضہ کشمیر سمیت دنیا بھر میں بھارت کے یوم آزادی کو یوم سیاہ کے طور پر منایا گیا تھا۔

کشمیر کی صورتحال

بھارت نے آرٹیکل 370 کو ختم کرنے سے قبل ہی مقبوضہ کشمیر میں اضافی فوجی دستے تعینات کردیے تھے کیوں کہ اسے معلوم تھا کہ کشمیری اس اقدام کو کبھی قبول نہیں کریں گے۔

مقبوضہ کشمیر میں بلیک آؤٹ کا 13 واں روز، زندگی مفلوج، مریض طبی سہولیات سے محروم

مقبوضہ کشمیر میں بھارتی فورسز نے جگہ جگہ رکاوٹیں کھڑی کر کے سڑکیں بلاک کر رکھی ہیں، تعلیمی ادارے بند اور موبائل اور انٹرنیٹ سروس بھی تاحال معطل ہے

اطلاعات کے مطابق مقبوضہ کشمیر میں بھارتی فوجیوں کی تعداد اس وقت 9 لاکھ کے قریب پہنچ چکی ہے۔ کشمیر کی خصوصی حیثیت ختم کرنے کے بعد سے وادی بھر میں کرفیو نافذ ہے، ٹیلی فون، انٹرنیٹ سروسز بند ہیں، کئی بڑے اخبارات بھی شائع نہیں ہورہے۔

بھارتی انتظامیہ نے پورے کشمیر کو چھاؤنی میں تبدیل کررکھا ہے، 7 اگست کو کشمیری شہریوں نے بھارتی اقدامات کیخلاف احتجاج کیا لیکن قابض بھارتی فوجیوں نے نہتے کشمیریوں پر براہ راست فائرنگ، پیلٹ گنز اور آنسو گیس کی شیلنگ کی جس کے نتیجے میں 6 کشمیری شہید اور 100 کے قریب زخمی ہوئے۔

اطلاعات کے مطابق بھارتی فوج نے 8 اگست کو کشمیر میں احتجاج کرنے والے تقریباً 500 کشمیریوں کو بھی حراست میں لے لیا ہے جبکہ حریت قیادت سمیت بھارت کے حامی رہنما محموبہ مفتی اور دیگر نظر بند ہیں۔ 

کشمیریوں کی جدوجہد آزادی کو کسی صورت دبایا نہیں جا سکتا: وزیراعظم

فاشسٹ مودی سرکار کو پتہ ہونا چاہیے کہ جب ایک قوم آزادی کیلئے متحد ہو جائے تو نہ وہ موت سے ڈرتے ہیں اور نا ہی کوئی طاقت انہیں منزل کے حصول سے روک سکتی ہے: عمران خان

عمران خان کا امریکی صدر سے رابطہ، مقبوضہ کشمیر کی صورتحال پر بات

وزیراعظم پاکستان نے صدر ڈونلڈ ٹرمپ کو مقبوضہ کشمیر کی موجودہ صورتحال اور خطے میں امن کو لاحق خطرات پر پاکستانی نقطہ نظر آگاہ کیا، شاہ محمود قریشی