12 ستمبر ، 2019
لائن آف کنٹرول پر بھارتی فوج کی بلااشتعال فائرنگ کے نتیجے میں پاک فوج کا ایک جوان شہید ہوگیا۔
پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق ایل او سی پر بھارت کی جانب سے سیز فائر معاہدے کی خلاف ورزی کا سلسلہ جاری ہے۔
آئی ایس پی آر کے مطابق بھارتی فوج نے ایل او سی پر حاجی پیر سیکٹر میں بلا اشتعال فائرنگ کی جس کے نتیجے میں سپاہی غلام رسول شہید ہوگیا۔
آئی ایس پی آر کے مطابق شہید ہونے والے سپاہی غلام رسول کا تعلق بہاولنگر سے تھا۔