06 اکتوبر ، 2019 
راولپنڈی میں گھر سے ڈینگی لاروا برآمد
06 اکتوبر ، 2019
راولپنڈی: ملک بھر میں ڈینگی کے مریضوں کی تعداد آئے روز بڑھتی جا رہی ہے اور ایسے میں ایک گھر سے ڈینگی لاروا بر آمد ہونا انتہائی تشویش کا باعث ہے۔
ملک بھر سے 10 ہزار سے زائد افراد میں ڈینگی وائرس کی تصدیق ہو چکی ہے اور حکومت اس وائرس کو پھیلنے سے روکنے کے لیے ہر ممکن اقدامات کر رہی ہے۔
سیکریٹری ہیلتھ محمد عثمان نے بتایا کہ راولپنڈی میں آئی جے پی روڈ پر چیکنگ کے دوران ایک گھر کے فریج کے ٹرے، کچن ایریا، پانی کی ٹنکی اور مختلف حصوں سے ڈینگی لاروا ملا ہے جو ڈینگی وائرس میں اضافے کا باعث ہے۔
انہوں نے بتایا کہ جس گھر میں لاروا برآمد ہوا وہاں کے رہائشیوں نے گھر کی تلاشی دینے سے انکار کر دیا تھا، گھر میں ڈینگی کے مریض ہونے کے باوجود تعاون سے انکار ہمسایوں کو بھی خطرے میں ڈالنے کے مترادف ہے۔
سیکرٹری ہیلتھ کے مطابق لاروا تلف کرا کر پورے علاقے میں ڈینگی تلف کرنے کی ہدایات دے دی ہیں۔
واضح رہے کہ ملک کے سب سے بڑے صوبے پنجاب میں مزید 164 افراد میں ڈینگی وائرس کی تصدیق ہوئی ہے جس کے بعد صوبے میں ڈینگی کے مریضوں کی تعداد بڑھ کر 4700 ہو گئی ہے۔
جب کہ گزشتہ روز صوبہ سندھ کے شہر کراچی میں ڈینگی وائرس کے شکار مزید دو مریض انتقال کر گئے تھے جس کے بعد شہر میں رواں برس ڈینگی سے ہلاکتوں کی تعداد 14 ہو گئی۔
مزید خبریں :
ہارٹ اٹیک اور ذیابیطس جیسے امراض سے بچانے کیلئے بہترین غذا
03 نومبر ، 2024
دودھ کو ابال کر نہ پینےکے کیا نقصانات ہیں؟
03 نومبر ، 2024
موسم سرما میں قوت مدافعت کو بڑھانے والی غذائیں
02 نومبر ، 2024
ملک میں پولیو وائرس کے مزید 2 کیسز سامنے آگئے، تعداد 45 ہوگئی
02 نومبر ، 2024
خراٹوں سے دماغی تنزلی کا خطرہ بڑھتا ہے، تحقیق
01 نومبر ، 2024
جگر کو نقصان پہنچنے کی 5 سب سے بڑی ابتدائی نشانیاں
01 نومبر ، 2024
کیا ہفتے میں ایک بار ورزش کرنے سے صحت کو فائدہ ہوتا ہے یا نہیں؟
31 اکتوبر ، 2024
