دورہ پاکستان پر بنگلادیش کرکٹ بورڈ کی پراسرار خاموشی برقرار

بنگلا دیش کرکٹ بورڈ نے دورہ پاکستان کے حوالے سے اب تک تصدیق نہیں کی ہے اور پاکستان کرکٹ بورڈ کو سیریز کے حوالے سے تاحال بی سی بی کے جواب کا انتظار ہے۔

پاکستان اور بنگلا دیش کے درمیان سیریز جنوری فروری میں شیڈول ہے جس کے 2 ٹیسٹ میچ آئی سی سی ٹیسٹ چیمپئن شپ کا حصہ ہیں۔

’اب پاکستان اپنی ہوم سیریز بیرون ملک نہیں کھیلے گا‘

پی سی بی ہوم سیریز ہوم گراؤنڈ پر کھیلنے کے فیصلے پر قائم ہے اور اس میں اب کوئی تبدیلی نہیں آسکتی، بورڈ

یاد رہے کہ بی سی بی نے دورہ پاکستان کو حکومتی کلیئرنس سے مشروط کرتے ہوئے کہا تھا کہ حکومت کی جانب سے گرین سگنل کا انتظار ہے جس کے بعد ہی کھلاڑیوں سے بات کی جائے گی۔

بنگلا دیش کرکٹ بورڈ کے اعلی حکام نے گزشتہ ہفتے کہا تھا کہ وہ ہفتے کے اندر سیریز کا فیصلہ کر لیں گے لیکن ایک ہفتہ گزرنے کے باوجود بنگلا دیش کی جانب سے پاکستان کو کوئی جواب نہیں دیا گیا ہے۔

کرکٹ ٹیم کے دورے سے قبل سیکیورٹی کا جائزہ لینے بنگلا دیشی وفد کراچی پہنچ گیا

بنگلا دیش ویمن کرکٹ ٹیم کی 23 اکتوبر جبکہ انڈر16 ٹیم کی آمد 22 اکتوبر کو شیڈول ہے

پی سی بی ذرائع نے تصدیق کی ہے کہ بنگلا دیش کرکٹ بورڈ کی جانب سے سیریز کے شیڈول کے حوالے سے کوئی جواب نہیں آیا اور نہ ہی کوئی رابطہ کیا گیا ہے۔

پی سی بی کے مجوزہ شیڈول کے مطابق سیریز 20 جنوری سے شروع ہو گی جس کے 3 ٹی ٹونٹی میچز لاہور میں کھیلے جائیں گے جب کہ سیریز میں شامل دو ٹیسٹ میچز راولپنڈی اور کراچی میں ہوں گے جن میں ایک ٹیسٹ ڈے اینڈ نائٹ کروانے کی تجویز ہے۔

بنگلا دیش کے ایک سیکیورٹی وفد نے اکتوبر میں پاکستان کا دورہ کیا تھا جس کے بعد بنگلا دیش ویمن کرکٹ ٹیم اور انڈر16 کرکٹ ٹیموں نے بھی پاکستان کا دورہ کیا جس کا مقصد تینوں ٹیموں کے دورے کے لیے کیے گئے سیکیورٹی انتظامات کا جائزہ لینا تھا۔