16 دسمبر ، 2019 
پاکستان
پولیس کے مطابق مانسہرہ کے محلہ ٹینکی موڑ کےنوجوان شاہد کی گذشتہ شب ہی شادی ہوئی تھی،فوٹو:فائل
مانسہرہ میں نوبیاہتاجوڑا کمرے میں گیس بھرجانے سے جاں بحق ہوگیا
16 دسمبر ، 2019
مانسہرہ میں شادی کی شہنائیوں سے گونجے والا گھر ماتم کدہ بن گیا، کمرے میں گیس بھر جانے سے نوبیا ہتاجوڑا جاں بحق ہوگیا۔
پولیس کے مطابق مانسہرہ کے محلہ ٹینکی موڑ کے نوجوان شاہد کی گذشتہ شب ہی شادی ہوئی تھی۔
ابتدائی تفتیش میں یہ بات سامنے آئی ہے کہ شدید سردی میں رات کو بارات گھر پہنچی تو دلہا دلہن گیس ہیٹر جلا کر سو گئے جب کہ رات کوکمرے میں گیس بھر جانے سے دونوں کادم گُھٹ گیا۔
پولیس نے کنگ عبداللہ اسپتال مانسہرہ میں قانونی کارروائی مکمل ہونے کے بعد لاشیں ورثاء کے حوالے کر دی ہیں۔
