03 مارچ ، 2020 
وائرس سے بچاؤ کیلیے ماہرین کا بار بار چہرے کو ہاتھ نہ لگانے کا مشورہ
03 مارچ ، 2020
امریکی طبی ماہرین کا کہنا ہے کہ چہرے پر بار بار ہاتھ لگانا کورونا وائرس جیسے انفیکشن کے پھیلنے کا سبب بن بنتا ہے۔
امریکی طبی ماہرین نے جراثیم سمیت کورونا وائرس سے محفوظ رہنے کا ایک نسخہ بتایا ہے۔
نیویارک ٹائمز کی رپورٹ کے مطابق امریکی طبی ماہرین کا کہنا ہے کہ اپنے چہرے کو چھونا انسانی فطرت میں شامل ہے لیکن یہ صحت کے لیے نقصان دہ ہے۔
طبی ماہرین نے وضاحت کی کہ ناک کھجانا، آنکھوں کو مسلنا، تھوڑی پرہاتھ رکھنا اور باربار اپنے چہرے کو ہاتھ لگانا، یہ ایسی عادتیں ہیں جو کورونا وائرس جیسے انفیکشن کے پھیلنے کا سبب بنتی ہیں۔
طبی ماہرین کا کہنا ہے کہ لوگوں کو جراثیم اور وائرس سے محفوظ رہنے کے لیے باربار ہاتھ دھونے کا مشورہ دیا جاتا ہے لیکن اس کے ساتھ چہرے کو چھونے سے روکنے کی بھی سختی سے تنبیہ کرنی چاہیے۔
سی ڈی سی اور ڈبلیو ایچ او کی جانب سے بھی کہا جاتا ہے کہ لوگوں کو اپنی آنکھوں، ناک اور منہ کو چھونے سے گریز کرنا چاہیے، آپ جتنا کم اپنے چہرے کو ہاتھ لگائیں گے اتنا ہی آپ کے بیماریوں سے محفوظ رہنے کے امکانات بڑھ جائیں گے۔
واضح رہے کہ چین کے شہر ووہان سے پھیلنے والا مہلک کورونا وائرس دنیا کے 60 سے زائد ممالک میں پھیل چکا ہے۔
کورونا وائرس سے ہلاکتیں 3 ہزار سے تجاوز کر گئیں، چین کے علاوہ امریکا اور ایران سمیت متعدد ممالک میں بھی کورونا وائرس سے 157 ہلاکتیں ہوچکی ہیں۔
مزید خبریں :
موسم سرما میں قوت مدافعت کو بڑھانے والی غذائیں
02 نومبر ، 2024
ملک میں پولیو وائرس کے مزید 2 کیسز سامنے آگئے، تعداد 45 ہوگئی
02 نومبر ، 2024
خراٹوں سے دماغی تنزلی کا خطرہ بڑھتا ہے، تحقیق
01 نومبر ، 2024
جگر کو نقصان پہنچنے کی 5 سب سے بڑی ابتدائی نشانیاں
01 نومبر ، 2024
کیا ہفتے میں ایک بار ورزش کرنے سے صحت کو فائدہ ہوتا ہے یا نہیں؟
31 اکتوبر ، 2024
وہ ایک عام نشانی جو 139 امراض کا اشارہ ثابت ہوسکتی ہے
31 اکتوبر ، 2024
کینسر جیسے جان لیوا مرض سے تحفظ فراہم کرنے والی بہترین غذا
29 اکتوبر ، 2024
