ن لیگ کو ووٹ دیں کراچی کو لاہور سے زیادہ چمکا دیں گے، احسن اقبال

پاکستان مسلم لیگ ن لیگ کے رہنما احسن اقبال نے کہا ہے کہ 2018 میں کراچی کے ووٹوں پر بھی ڈاکہ ڈالا گیا،ن لیگ کو ووٹ دیں تو کراچی کو لاہور سے زیادہ چمکا دیں گے۔

کراچی کے دو روزہ دورے پر آئے ن لیگ کے وفد میں شامل احسن اقبال نے مزار قائد کے باہر کارکنان سے خطاب کے دوران کہا کہ ہمیں جھوٹے کیسوں میں نیازی نے جیل میں ڈالا تاکہ ہماری آواز دبائی جاسکے، حمزہ اور دیگر رہنما آج بھی جیل میں ہیں۔

ن لیگ کے ساتھ حکومت بنانے جارہے ہیں نہ حکومت گرانے کا کوئی ارادہ ہے، ایم کیو ایم

کوئی اتحادی ڈھونڈنے نہیں آئے اپنے خیالات ایم کیو ایم کے سامنے رکھے ہیں ، شاہد خاقان عباسی کی ایم کیو ایم قیادت سے ملاقات کے بعد پریس کانفرنس

ن لیگی رہنما نے کہا کہ نواز شریف نے کراچی کی روشنیاں بحال کیں، آج اسی کراچی کی روشنیاں پھر ماند پڑ گئی ہیں۔

احسن اقبال نے موجودہ حکومت پر تنقید کرتے ہوئے کہا کہ ہمارے شروع کیے گیے منصوبے ختم کردیے گئے، گرین لائن منصوبہ اب تک نامکمل ہے۔

انہوں نے مزید کہا کہ 5 ملین گیلن پانی کی فراہمی کا منصوبہ بھی رکا ہوا ہے، 2018ء میں کراچی کے ووٹوں پر بھی ڈاکہ ڈالا گیا۔

نواز شریف کی واپسی کیلیے حکومتی خط کی حیثیت ردی سے زیادہ نہیں: شاہد خاقان

آج پاکستان کو اندرونی خطرات کا سامنا ہے، سب کو بیٹھنا ہو گا اور فیصلہ کرنا ہو گا کہ ملک کو کیسے چلانا ہے: رہنما ن لیگ

کراچی شہر میں موجود مسلم لیگ ن کے کار کنان سے متعلق احسن اقبال کا کہنا تھا کہ ن لیگ کے شیر اب اور بھی بہادر ہو گئے ہیں۔

خیال رہے کہ ن لیگ کے وفد نے متحدہ قومی موومنٹ پاکستان کی قیادت سے بھی ملاقات کی ہے۔