29 مارچ ، 2020 
مستحق کہیں بھوکا نہ رہے، کوتاہی برداشت نہیں کروں گا: بلاول کی سندھ حکومت کو ہدایت
29 مارچ ، 2020
پاکستان پیپلزپارٹی کے چیئرمین بلاول بھٹو زرداری نے وزیراعلیٰ سندھ مراد علی شاہ کو لاک ڈاؤن کے دوران مستحقین کی مدد کی ہدایت کردی۔
لاک ڈاؤن کے دوران یومیہ اجرت والوں کی امداد کے بارے میں اجلاس سے خطاب میں بلاول بھٹو کا کہنا تھا کہ سندھ حکومت کی ذمہ داری ہے کہ کوئی ایک مستحق بھی کہیں بھوکا نہ رہے۔
انہوں نے وزیراعلیٰ سندھ کو ہدایت کی کہ سندھ حکومت ایک ایک مستحق کے گھر پہنچے، مستحق افراد کی امداد سے متعلق کوئی کوتاہی برداشت نہیں کروں گا۔
بلاول نے کہا کہ مخیر حضرات اور فلاحی اداروں سے مشاورت کرکے مشترکہ لائحہ عمل بنایا جائے۔
ان کا مزید کہنا تھا کہ لاک ڈاؤن طویل ہونے کی صورت میں مکمل منصوبہ بندی ہونا چاہیے اور عوام کو لاک ڈاؤن پر مکمل عمل درآمد کرنا چاہیے۔
خیال رہے کہ کورونا وائرس کا پھیلاؤ روکنے کے لیے سندھ حکومت نے 22 مارچ سے 15 روز کا لاک ڈاؤن کر رکھا ہے جس کے باعث شام 5 سے صبح 8 بجے تک تمام دکانیں و میڈیکل اسٹورز بند ہوتے ہیں جبکہ اسپتالوں کےقریب میڈیکل اسٹورز کھولنے کی اجازت ہے۔
مزید خبریں :
ملتان میں فضائی معیار آج بھی انتہائی مضر صحت
3 گھنٹے پہلے
ایرانی وزیر خارجہ دو روزہ سرکاری دورے پرپاکستان پہنچ گئے
10 گھنٹے پہلے
