گیٹز فارما 25 ہزار ڈاکٹرز کے مفت کورونا ٹیسٹ، 650 اسپتالوں کو ڈِس انفیکٹ کرے گا

دنیا بھر میں ڈاکٹرز اور پیرامیڈیکل اسٹاف کورنا وائرس کے خلاف جنگ میں ہراول دستے کا کردار ادا کررہے ہیں اور ایسی صورتحال میں خود ان جانبازوں کی حفاظت بھی انتہائی ضروری ہے۔

اسی سلسلے میں معروف ادویہ ساز کمپنی 'گیٹز فارما' نے 'کیئر فار ہیروز' کے نام سے پاکستان بھر میں ایک مہم شروع کی ہے جس کے تحت ملک بھر میں تقریباً 8 ہزار کلینکس اور 650 اسپتالوں کو جراثیم سے پاک کیا جائے گا جبکہ 25 ہزار سے زائد ڈاکٹرز کے مفت کورونا ٹیسٹ بھی کیے جائیں گے۔

ملک میں کورونا سے مزید 28 افراد جاں بحق، 611 نئے کیسز بھی سامنے آگئے

کورونا سے ہلاکتوں کی مجموعی تعداد 514 ہوگئی جبکہ نئے کیسز سامنے آنے سے مصدقہ مریضوں کی تعداد 22063 تک جاپہنچی ہے

کمپنی کی جانب سے جاری بیان کے مطابق کلینکس اور اسپتالوں کو اس مہلک وبا سے پاک رکھنے کیلئے گیٹز فارما آئندہ چھ ماہ تک ان مقامات کو عالمی ادارہ صحت کے منظور کردہ کیمیائی مادے CHEMGENE HLD4 سے ڈِس انفیکٹ کرے گا۔

گیٹز فارما کے مطابق اسپتالوں اور کلینکس کو جراثیم سے پاک کرنے کی مہم کا مقصد کورونا کیخلاف جنگ میں برسرپیکار فرنٹ لائن ہیروز کو کام کیلئے محفوظ اور صاف ستھرا ماحول فراہم کرنا ہے۔

کمپنی کے مطابق وہ ڈاکٹرز اور پیرامیڈیکل اسٹاف کو کورونا سے بچاؤ کیلئے حفاظتی سامان بھی تقسیم کررہی ہے جن میں ماسک، سینیٹائزرز اور گلوز وغیرہ شامل ہیں اور ساتھ ہی 25 ہزار سے زائد ڈاکٹرز، خاص طور پر وہ جو آئسولیشن سینٹرز میں اپنے فرائض انجام دے رہے ہیں، ان کے مفت کورونا ریپڈ اینٹی باڈی اسکریننگ ٹیسٹ کیے جائیں گے۔

وفاقی کابینہ کے اجلاس میں لاک ڈاؤن میں نرمی کی تجویز، حتمی فیصلہ کل ہوگا

کاروبارتو کھل جائیں گے لیکن طے کردہ ضابطہ کار پر ملدرآمد بھی کرانا ہوگا: وزیراعظم عمران خان کی کابینہ اجلاس میں گفتگو

کمپنی کے مطابق اب تک کراچی میں 100 سے زائد کلینکس کو اس مہم کے تحت ڈس انفیکٹ کیا جاچکا ہے جبکہ جلد ہی اس مہم کا دائرہ دیگر شہروں تک بھی بڑھا دیا جائے گا۔

اس مہم کے تحت سب سے پہلے کراچی کے جناح اسپتال کو ڈس انفیکٹ کرنے کا عمل شروع کیا گیا جہاں 28 وارڈز، ڈاکٹرز ہوسٹل کے 96 کمروں، ڈاکٹرز کالونی کے 200 گھروں، او پی ڈیز، ایمرجنسی رومز اور ڈیوٹی رومز میں جراثیم کش اسپرے کیے گئے۔

خیال رہے کہ کچھ روز قبل گیٹز فارما کے چیف آپریٹنگ آفیسر خالد محمود نے وزیراعلیٰ سندھ مراد علی شاہ اور وزیر صحت سندھ ڈاکٹر عذرا پیچوہو سے ملاقات کی تھی اور کورونا وائرس سے متاثرہ افراد کی معاونت کے حوالے سے حکمت عملی پر تبادلہ خیال کیا تھا۔

لیڈی ریڈنگ اسپتال کے گائنی وارڈ میں 9 ڈاکٹروں سمیت 29 افراد کورونا سے متاثر

خیبر پختونخوا میں کورونا سےمتاثرہ ڈاکٹروں کی تعداد 58 ہوگئی ہے جب کہ ایک پروفیسرکا انتقال بھی ہوا ہے

کمپنی کے مطابق گیٹز فارما اب تک 19 لاکھ ہائیڈروکسی کلوروکوئین ٹیبلیٹس، 15 ہزار ٹیسٹنگ کٹس اور تقریباً 1500 پرسنل پروٹیکٹو ایکوئپمنٹ (پی پی ای) سندھ حکومت کو عطیہ کرچکا ہے اور ساتھ ہی پاکستان میں کورونا کے علاج میں ہونے والی تحقیق میں بھی معاونت کررہا ہے۔

خالد محمود کا کہنا ہے کہ اس غیر معمولی صورتحال میں نجی شعبے کو بھی آگے آنا چاہیے اور اس وائرس کا پھیلاؤ روکنے کیلئے حکومت کا ہاتھ بٹانا چاہیے۔