سپریم کورٹ کے فیصلے کے بعد مختلف شہروں میں مارکیٹس اور شاپنگ مالز کھل گئے

سپریم کورٹ کے فیصلے کے بعد ملک کے مختلف شہروں میں دکانیں، مارکیٹس اور شاپنگ مالز کھل گئے۔

مخلتف شہروں میں کاروبار بحال ہوگیا ہے اور  سڑکوں پر رکشہ ٹیکسی بھی  نظر آرہے ہیں جب کہ ٹریفک معمول سے خاصا زيادہ ہے۔

مختلف مارکیٹیں اور شاپنگ سینٹرز کھول دیے گئے ہیں اور تاجروں نے کاروبار شروع کردیا ہے جب کہ بڑی تعداد میں لوگوں نے بھی خریداری کیلئے بازاروں کا رخ کرلیا ہے۔

عدالتی فیصلے کےبعد راولپنڈی  اور اسلام آباد کے بھی تمام شاپنگ مالز کھول دیے گئے ہیں جب کہ دیگر تمام دکانوں کو بھی پورا ہفتہ کھلے رہنے کی اجازت ہے۔

ڈپٹی کمشنر اسلام آباد کا کہنا ہے کہ دکانیں شاپنگ مالز اور حجام کی دکانیں عید کے بعد بھی کھلی رہیں گی۔

سپریم کورٹ کا چھوٹی مارکیٹیں پورا ہفتہ کھلی رکھنے کا حکم

خیال رہے کہ کورونا وائرس ازخود نوٹس کیس میں سپریم کورٹ نے  ملک بھر میں جزوی  لاک ڈاؤن کے باعث بند چھوٹی مارکیٹیں ہفتے اور اتوار کو بھی کھلی رکھنے اور شاپنگ مالز کھولنے کا حکم دیا ہے۔

سپریم کورٹ نے کورونا وائرس ازخودنوٹس کیس کا تحریری حکم نامہ بھی جاری کردیا ہے جس کے مطابق مارکیٹیں اورکاروباری سرگرمیاں ہفتہ اتوار کو بندکرنا آئین کی خلاف ورزی ہے۔

ملک میں کورونا سے مزید 28 ہلاکتیں، 1993 نئے کیسز رپورٹ

کورونا سے اموات کی مجموعی تعداد 923 ہو گئی جبکہ نئے کیسز سامنے آنے کے بعد مریضوں کی تعداد 43158 تک پہنچ گئی ہے

تحریری فیصلے میں عدالت عظمیٰ نے کہا ہے کہ پنجاب اور اسلام آباد کے ایڈوکیٹ جنرلز نے آج شاپنگ مالزکھولنےکی یقین دہانی کرائی ہے جب کہ سندھ میں شاپنگ مالز بند رکھنے کی کوئی وجہ نظر نہیں آتی اس سلسلے میں سندھ وفاقی حکومت سے رجوع کرے۔

'دکانیں بند کرینگے تو دکاندار تو کورونا کے بجائے بھوک سے مرجائےگا'

دوران سماعت چیف جسٹس نے ایڈووکیٹ جنرل سندھ اور کمشنر کراچی کو ہدایت دی کہ چھوٹے دکانداروں کو کام کرنے سے نہ روکیں، آپ دکانیں بند کریں گے تو دکاندار تو کورونا کے بجائے بھوک سے مرجائے گا، سِیل کی گئی مارکیٹس کو بھی کھولیں اور انہیں ڈرانے کے بجائے سمجھائیں۔

اس موقع پر عدالت نے اپنے حکم میں کہا کہ ضابطہ کار کے مطابق شام 5 بجے تمام مارکیٹس بند کی جائیں گی۔