07 جون ، 2020 
کورونا لاک ڈاؤن: پاکستان میں آن لائن ہراساں کرنے کے واقعات میں 189 فیصد اضافہ
07 جون ، 2020
عالمگیر وبا کورونا وائرس سے نا صرف ملک کی معیشت اور صحت کا نظام متاثر ہوا ہے بلکہ اس وبا کے دوران متعدد سماجی و دیگر مسائل نے بھی جنم لیا ہے۔
کورونا وائرس کے دوران پاکستان میں گزشتہ دو ماہ میں آن لائن ہراساں کرنے کے واقعات میں 189 فیصد اضافہ دیکھنے میں آیا ہے۔
یہ ڈیٹا سائبر ہراسمنٹ ہیلپ لائن کے ذریعے سے اکھٹا کیا گیا ہے جس میں بتایا گیا ہے کہ مارچ اور اپریل کے مہینے میں آن لائن ہراساں کرنے کے واقعات میں 189 فیصد اضافہ دیکھنے میں آیا ہے۔
ڈیٹا کے مطابق ان آن لائن ہراساں کرنے کے واقعات 74 فیصد خواتین کی جانب سے رپورٹ کیا گیا ہے جب کہ 19 فیصد مردوں نے کیسز رپورٹ کیے ہیں۔
سائبر ہراسمنٹ ہیلپ لائن پر رپورٹ کیے جانے والے ان واقعات میں تصاویر، ویڈیوز اور دیگر ذاتی معلومات کے ذریعے بلیک میل کرنے کی شکایات شامل ہیں۔
واضح رہے کہ کورونا وائرس کے پیشِ نظر لاک ڈاؤن کی وجہ سے سائبر ہراسمنٹ آفس بند ہیں جس کی وجہ سے صارفین کی جانب سے شکایات ای میل اور سوشل میڈیا کے ذریعے کی جا رہی ہیں۔
خیال رہے کہ کورونا وائرس کے پھیلاؤ کو روکنے کے لیے لاک ڈاؤن میں زیادہ تر لوگ انٹرنیٹ استعمال کر کے اپنا وقت گزار رہے ہیں۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
ایپل کا نیا آئی فون ایس ای 4 مارچ میں متعارف کرائے جانے کا امکان
13 نومبر ، 2024
گوگل میپس میں فضائی معیار جاننے میں مددگار نئے فیچر کا اضافہ
13 نومبر ، 2024
یوٹیوب میں ایسی تبدیلی جو ویڈیوز دیکھنے کے تجربے کو بدل دے گی
12 نومبر ، 2024
جی میل میں بہترین فیچر صارفین کے لیے متعارف
12 نومبر ، 2024
