21 جنوری ، 2021 
اسلام آباد میں سرکاری ملازمین ادارے کی گاڑیوں سے پیٹرول چوری کرتے پکڑے گئے
21 جنوری ، 2021
کیپیٹل ڈیویلمپنٹ اتھارٹی (سی ڈی اے) کے ملازمین کی جانب سے ہی ادارے کی گاڑیوں سے پیٹرول چوری کرنے کا انکشاف ہوا ہے۔
وفاقی ترقیاتی ادارے کے ڈپٹی ڈائریکٹر نے پیٹرول چوروں کے خلاف ایف آئی آر کرائی ہے جس میں کہا گیا ہے کہ سی ڈی اے کے ملازمین رات کی تاریکی میں ادارے کی گاڑیوں سے پیٹرول چوری کرتے ہیں۔
پولیس نے چوری شدہ ڈیزل کے 15 کین لیے سی ڈی اے کے دونوں ملازمین کو پکڑ لیا ہے اور پولیس نے چوروں کو بے نقاب کرتے ہوئے ان کی ویڈیو بھی بنائی۔
سی ڈی اے ذرائع کا کہنا ہے کہ ڈیزل ڈائریکٹوریٹ آف انوائرمنٹ کی گاڑیوں سے نکالا گیا تھا، ڈیزل سکیورٹی اہلکار کی موجودگی میں گاڑیوں سے نکالا گیا تھا جس کی تحقیقات جاری ہیں۔
ڈی جی انوائرمنٹ نے معاملے کی انکوائری شروع کرنے کا حکم دیتے ہوئے سکیورٹی گارڈ کو معطل کر دیا۔
مزید خبریں :
تصاویر: پی ٹی آئی احتجاج کے بعد کے مناظر
1 گھنٹے پہلے
کراچی میں آئندہ 24 گھنٹوں میں موسم کیسا رہے گا؟
5 گھنٹے پہلے
ملک کے آلودہ ترین شہروں میں سکھر سرفہرست رہا
5 گھنٹے پہلے
