26 ستمبر ، 2012 
امپائر سائمن ٹوفل آئی سی سی کے ایلیٹ پینل سے دستبردار
26 ستمبر ، 2012
دبئی…آسٹریلیا کے عالمی شہرت یافتہ امپائر سائمن ٹوفل آئی سی سی کے ایلیٹ پینل سے دستبردار ہوگئے ہیں، ورلڈ ٹی 20 ان کے امپائرنگ کیرئیر کا آخری ایونٹ ہوگا۔آسٹریلیا سے تعلق رکھنے والے سائمن ٹوفل نے آن فیلڈ امپائرنگ کو چھوڑ کر آئی سی سی میں امپائرز منیجرکی نئی ذمہ داریاں سنبھالنے کا فیصلہ کرلیا ہے۔ ورلڈ ٹی 20 اُن کے امپائرنگ کیرئیر کا آخری ایونٹ ہوگا، جس کے بعد وہ آئی سی سی میں امپائر پرفارمنس اور ٹریننگ منیجر کا عہدہ سنبھال لیں گے۔ سائمن ٹوفل کا شمار دنیا کے بہترین امپائرز میں ہوتا ہے۔ انہوں نے اپنے کیرئیر کا آغاز 1999 میں کیا جس کے بعد سے وہ 74 ٹیسٹ اور 174 ون ڈے میچز میں فرائض انجام دے چکے ہیں، وہ 2004 سے 2008 تک مسلسل 5 مرتبہ آئی سی سی کے بہترین امپائر کا ایوارڈ بھی حاصل کرچکے ہیں۔
مزید خبریں :
لاہور قلندرز کے ڈیوڈ ویزا پاکستانی سکیورٹی کے معترف نکلے
15 مئی ، 2025
بنگلادیش کے مہدی حسن آئی سی سی پلیئر آف دی منتھ قرار
14 مئی ، 2025
ملک میں کرکٹ کی بہتری کیلئے اہم پلان تیار
14 مئی ، 2025
