30 ستمبر ، 2021 
پاکستان کرکٹ ٹیم کے سپورٹ اسٹاف ہیڈ کیلئے ثقلین مضبوط امیدوار
30 ستمبر ، 2021
ٹی ٹوئنٹی ورلڈ کپ کے لیے پاکستان کرکٹ ٹیم کے سپورٹ اسٹاف کے ہیڈ کا فیصلہ اگلے دو تین روز میں متوقع ہے۔
پاکستان کرکٹ بورڈ (پی سی بی) میں ٹی ٹوئنٹی ورلڈ کپ کے لیے سپورٹ اسٹاف کے ہیڈ کا تقرر ہونا ہے، سپورٹ اسٹاف میں مصباح الحق اور وقار یونس کے دستبردار ہونے کے بعد میتھیو ہیڈن اور ورنن فلینڈر کی خدمات پہلے ہی حاصل کی جا چکی ہیں۔
چیئرمین پی سی بی رمیز راجہ نے مقامی سپورٹ اسٹاف ہیڈ مقرر کرنے کا کہا تھا، سپورٹ اسٹاف ہیڈ کے لیے ثقلین مشتاق مضبوط امیدوار ہیں۔
نیشنل ہائی پرفارمنس سینٹر میں ہیڈ انٹر نیشنل پلیئر ڈویلپمنٹ ثقلین مشتاق اور عبدالرزاق کو نیوزی لینڈ سیریز کے لیے عارضی کوچ مقرر کیا گیا تھا۔
ٹی ٹوئنٹی ورلڈ کپ کے لیے ثقلین مشتاق کو سپورٹ اسٹاف ہیڈ مقرر کیا جا سکتا ہے، ثقلین مشتاق کی گزشتہ روز چیئرمین رمیز راجہ سے بھی ملاقات ہوئی تھی۔
مزید خبریں :
سلیکشن کمیٹی کے بعد محمد یوسف کوچنگ سے بھی الگ ہوگئے
10 گھنٹے پہلے
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
