05 اکتوبر ، 2021 
پاکستان سمیت دنیا بھر میں فیس بک، واٹس ایپ اور انسٹاگرام کی سروسز بحال
05 اکتوبر ، 2021
پاکستان سمیت دنیا بھر میں فیس بک ، واٹس ایپ اور انسٹاگرام کی سروسز 7 گھنٹے کی بندش کے بعد بحال ہوگئیں۔
فیس بک اور واٹس ایپ نے واضح طور پر ایپلیکیشنز کی بندش کی کوئی وجہ نہیں بتائی تاہم ماہرین کی جانب سےمختلف وجوہات بتائی جارہی ہیں۔
ماہرین کا کہنا ہے کہ فیس بک ویب نظام میں تبدیلی کی وجہ سے مسئلہ پید اہوا ہے ۔
برطانوی میڈیا کے دعوے کے مطابق سرورکو اپ ڈیٹ کرنے میں مسئلہ پیدا ہوا تھا جس کے باعث ایپلیکیشن سروسز متاثر ہوئیں ۔
دوسری جانب ویب سائٹ سکیورٹی کمپنی کا دعویٰ ہے کہ ٹریفک راؤٹنگ مسائل کےباعث سروسز انٹرنیٹ سے غائب رہیں۔
خیال رہے کہ گزشتہ روز دنیا بھر میں مذکورہ سوشل میڈیا ایپلیکیشن کی سروس پاکستانی وقت کے مطابق تقریباً رات ساڑھے آٹھ بجے متاثر ہوئی تھیں اور محض ٹوئٹر سماجی رابطوں کی بڑی ویب سائٹ تھی جو بحال رہی لہٰذا صارفین ٹوئٹر پر ہی اپنی مایوسی کا اظہار کرتے رہے۔
اس دوران کروڑوں صارفین کومشکلات کا سامنا رہا جبکہ اس حوالے سے فیس بک انتظامیہ کی جانب سے صارفین کے لیے معذرت کااظہار بھی کیا گیا۔
غیر ملکی خبر رساں ادارے کے مطابق، سوشل میڈیا ایپلیکیشن کی کئی گھنٹوں کی بندش سےکمپنی کو 12 کھرب روپے سے زائد کے نقصان کا تخمینہ برداشت کرنا پڑا جبکہ سروس معطل ہونے سے دنیا کی معیشت کو 160 ملین ڈالرکا نقصان ہوا۔
مزید خبریں :
مائیکرو سافٹ نے ونڈوز 11 کیلئے ونڈوز ہیلو کو ری ڈیزائن کر دیا
04 نومبر ، 2024
فون یا کمپیوٹر پر جی میل کی ای میلز شیڈول کرنے کا طریقہ جانیں
04 نومبر ، 2024
انسٹا گرام کا ڈائریکٹ میسجز کو اپ گریڈ کرنے کا فیصلہ
03 نومبر ، 2024
گوگل میپس میں نئے اے آئی فیچرز کا اضافہ
03 نومبر ، 2024
آئی فون 17 پرومیکس کی لیکس نے صارفین کی بے چینی بڑھادی
02 نومبر ، 2024
گوگل کے مقابلے پر چیٹ جی پی ٹی کا سرچ انجن سامنے آگیا
01 نومبر ، 2024
چین کی پہلی سویلین خاتون خلا باز اسپیس اسٹیشن پہنچنے میں کامیاب
01 نومبر ، 2024
