خیرپور سے لاپتا 9 سالہ بچہ زیادتی کے بعد قتل
20 نومبر ، 2021
خیرپورمیں لاپتا ہونے والے 9 سالہ بچے کی لاش مل گئی جسے زیادتی کے بعد تشدد کرکے قتل کیا گیا۔
پولیس کے مطابق یہ افسوسناک واقعہ خیرپور کے نواحی علاقے ببرلو میں پیش آیا جہاں سے لاپتا ہونے والے 9 سالہ بچے کی لاش ملی ہے، لاش کی شناخت کانا سچ دیو ولد پرتم داس کے نام سے ہوئی ہے۔
ابتدائی تفتیش کے مطابق 9 سالہ بچے کو جنسی زیادتی کے بعد تشدد کرکے قتل کیا گیا، لاش کو پوسٹ مارٹم کے لیے اسپتال منتقل کردیا گیا۔
پولیس کا کہنا ہے کہ قتل کی تفتیش شروع کردی گئی ہے اور جلد ملزمان کوگرفتارکرلیں گے۔
دوسری جانب مقتول کے والدین کا کہنا ہے کہ ان کا بچہ شام 5 بجے سے لاپتا تھا جس کی تلاش جاری تھی، کسی سے کوئی دشمنی نہیں ہے تاہم جن افراد پر شک ہے ان کا نام پولیس کو بتادیے ہیں۔
