23 نومبر ، 2021 
ویڈیو: محمد نواز نے بنگلادیشی بولر کی آخری گیند پر وکٹ کیوں چھوڑ دی تھی؟
23 نومبر ، 2021
گزشتہ روز بنگلا دیش اور پاکستان کے درمیان ٹی ٹوئنٹی سیریز کا آخری میچ اور آخری اوور ڈرامائی صورتحال اختیار کرگیا۔
آخری اوور کے دوران جہاں تماشائی حیران وپریشان نظر آئے وہیں دونوں ٹیمیں بھی جیت کے لیے جی جان سے کھیلتی نظر آئیں۔
بنگلا دیش اور پاکستان کے درمیان یہ سنسنی خیز مقابلہ آخری گیند پر مزید دلچسپ ہوگیا، کہیں آخری گیند پر کریز پر موجود پاکستانی کھلاڑی محمد نواز نے بولر کی کروائی گیند کو چھوڑ دیا اور گیند وکٹ پر لگ گئی جس کے بعد بنگلادیش نے آؤٹ کی اپیل کی۔
فیلڈ پر موجود امپائر تنویز احمد نے گیند کو ڈیڈ بال قرار دیا جس کے بعد نواز نے آخری گیند پر چوکا مار کر پاکستان کو کامیابی دلوائی۔
اب پی سی بی کے ٹوئٹر اکاؤنٹ پر نواز کی ایک ویڈیو شیئر کی گئی ہے جس میں انہیں آخری گیند پر بولر کو روکنے سے متعلق وجہ پر بات کرتے دیکھا جاسکتا ہے۔
محمد نواز نے کہا کہ میں ابھی نیچے ہی دیکھ رہا تھا کہ بولر نے بال کروادی اور بال آدھی ہی میرے قریب آئی تھی کہ میں نے اسے روک دیا۔
انہوں نے کہا کہ سب کے ذہن میں یہی تھا کہ اس وقت ہم سنگل لیں لیکن میری کوشش تھی کہ گیپ دیکھ کر باؤنڈری لگاؤں تاکہ میچ جیت سکیں۔
قومی کرکٹر کا کہنا تھا کہ بیٹنگ پر کافی محنت کرتا ہوں کیوں کہ آج کی بولنگ کے پیش نظر بیٹنگ کی تیاری زیادہ مشکل ہوجائے گا۔
ویڈیو میں شاہنواز دھانی کا کہنا تھا کہ مجھے پہلی بار پر چوکا لگا تو میں نروس ہوگیا تھا لیکن کپتان سمیت تمام افراد نے مجھے بیک کیا جس کے بعد میں نے تیسری گیند پر اپنی ڈیبیو کی پہلی وکٹ لی اور پھر میں پر اعتماد ہوگیا۔
مزید خبریں :
کراچی پریمیئر لیگ ملیر ڈولفنز نے جیت لی
4 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
