میرے خلاف احتجاج کیلئےلوگوں کو صوبائی اسمبلی سے فون کیا گیا، نور عالم

اپنی ہی حکومت پر تنقید کرنے والے پاکستان تحریک انصاف (پی ٹی آئی) کے رکن قومی اسمبلی نور عالم خان نے دعویٰ کیا ہےکہ میرے حلقے کے لوگوں کو  میرے  خلاف احتجاج  پر  اکسانے کے لیے خیبر پختونخوا اسمبلی سے ٹیلی فون کیا گیا۔

ٹوئٹر پر اپنے بیان میں نور عالم خان کا کہنا تھا کہ خیبرپختونخوا اسمبلی کےٹیلی فون نمبر سے میرے خلاف احتجاج کی کال پر حیران ہوں، جو لوگ اپنے گاؤں میں نہیں جیت سکتے وہ میرے حلقےکے عوام کو میرے خلاف بھڑکانےکی کوشش کرتے ہیں۔ 

نور عالم خان کا کہنا تھا کہ لوگوں کوفون کرکے احتجاج کا کہنے والوں کو شرم آنی چاہیے۔

رکن قومی اسمبلی نے ٹوئٹر پر اپنے خلاف احتجاج کے لیے استعمال ہونے والی مبینہ فون لائن کا نمبر بھی شیئرکیا ہے۔

اپنی حکومت کیخلاف تنقیدکرنیوالے نورعالم خان کیخلاف پی ٹی آئی کا احتجاجی مظاہرہ

پارٹی کارکنوں کو استعمال کیا جا رہا ہے، میں نےکرپشن اور احتساب کی بات کی جو عمران خان بھی کرتے ہیں، نور عالم خان کا ردعمل

دوسری جانب  نور عالم خان کے بیان پر ترجمان ڈپٹی اسپیکر خیبر پختونخوا اسمبلی نے بات کرنے سے معذرت کرلی، تاہم  ترجمان ڈپٹی اسپیکر کا کہنا تھا کہ پبلک ریلیشن آفیسر کے دفتر میں حلقےکے لوگ آتے ہیں اور یہاں سے کسی نے اس وقت ٹیلی فون کیا ہوگا جب وہ دفتر سے باہر تھے۔

ادھر  تحریک انصاف نے نور عالم خان کو شوکاز نوٹس جاری کردیا ہے، شوکاز نوٹس کے مطابق  نور عالم خان نے پارٹی قیادت پر الزامات لگائے جو میڈیا پر نشر اور شائع ہوئے۔

نور عالم خان سے وضاحتی جواب 24 جنوری تک جمع کرانےکی ہدایت کی گئی ہے۔

خیال رہےکہ اپنی حکومت پر تنقید کرنے والے ممبر قومی اسمبلی نور عالم خان کے خلاف تحریک انصاف کے یوتھ ونگ نے ایک روز قبل  پشاور پریس کلب کے سامنے احتجاجی مظاہرہ کیا تھا۔

مظاہرین نے پشاور سے پی ٹی آئی کے ایم این اے نور عالم خان کے خلاف پشاور پریس کلب کے سامنے مظاہرہ کرتے ہوئے عمران خان کے حق میں نعرے لگائے اور  نور عالم  خان سے مستعفی ہونےکا مطالبہ کیا۔

کیا منی بجٹ سے ہمیں گیس پانی بجلی ملےگی؟ پی ٹی آئی رکن اسمبلی کا وزیراعظم سے سوال

اسٹیٹ بینک کی خودمختاری سے سلامتی ادارے تو متاثر نہیں ہوں گے؟ پارلیمانی پارٹی اجلاس میں نور عالم کا سوال

’اسمبلی کی اگلی 3 قطاروں میں بیٹھے لوگوں کی وجہ سے مسائل ہیں، ای سی ایل میں ڈال دیں‘

پشاور کے لوگوں کا کیا قصور ہے؟ انہیں نہ گیس ملتی ہے نہ بجلی، کیا پشاور پاکستان میں نہیں؟ پی ٹی آئی رکن قومی اسمبلی نور عالم خان