25 مئی ، 2022 
نیا ہیئر کٹ کس سے متاثر ہوکر کروایا؟ شاہین کا دلچسپ جواب
25 مئی ، 2022
قومی ٹیم کے فاسٹ بولر شاہین شاہ آفریدی نے حال ہی میں لاہور قلندرز کی مینجمنٹ کے ہمراہ پریس کانفرنس کی جس میں ان کا نیا اور منفرد ہیئر کٹ توجہ کا مرکز بن گیا۔
شاہین آفریدی کی پریس کانفرنس کے دوران ان سے نئے ہیئر کٹ سے متعلق صحافی نے سوال کیا کہ آپ نے جب پہلے پریس کانفرنس کی تھی اس وقت آپ کے بالوں کا اسٹائل کچھ اور تھا، اب کس سے متاثر ہو کر آپ نے اپنا ہیئر اسٹائل تبدیل کیا ہے؟
کرکٹر نے ہنستے ہوئے جواب دیا کہ ’ کوئی بات نہیں، اگر آپ کو میرا ہیر اسٹائل پسند نہیں ہے تو اگلی بار گنجا ہوکر آجاؤں گا'۔
شاہین آفریدی کا یہ جواب سن کر پریس کانفرنس میں موجود ثمین رانا اور عاطف رانا سمیت سب ہی افراد ہنسنے لگ گئے۔
واضح رہے کہ گزشتہ دنوں پاکستان سپر لیگ (پی ایس ایل) کی چیمپئن لاہور قلندرز نے پلیئرز ڈیولپمنٹ پروگرام سے منتخب ہونے والے نوجوان کھلاڑیوں کا اعلان کیا۔
اس دوران پاکستان سُپر لیگ (پی ایس ایل) فرنچائز لاہور قلندرز کے کپتان شاہین شاہ آفریدی نے بھی اپنے خیالات کا اظہار کیا۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
