وزیراعظم کا بارش اور سیلاب سے جاں بحق افراد کے لواحقین کیلئے بڑے پیکج کا اعلان

اسلام آباد: وزیر اعظم شہباز شریف نے بارشوں اور سیلاب سے متاثرہ افراد اور جاں بحق افراد کے لواحقین کیلئے بڑے امدادی پیکج کا اعلان کردیا۔

وزیراعظم نے سیلاب  اور بارشوں سےجاں بحق افرادکےاہل خانہ کی ہنگامی مالی امدادکی منظوری دے دی ہے اور جاں بحق افراد کے خاندان کیلئے 10 لاکھ روپے فی کس امداد کا حکم دیا ہے۔

اس حوالے سے جاری اعلامیے میں کہا گیا ہے کہ اموات پر دی جانے والی امدادی رقم کا50 فیصد وفاقی حکومت فراہم کرےگی، امدادی رقم کا 50 فیصد متعلقہ صوبائی حکومتیں فراہم کریں گی۔

اعلامیے کے مطابق وزیر اعظم نے سیلاب اور بارشوں سے جاں بحق ہونے والوں کی بھرپور امداد یقینی بنانے کی ہدایت کی ہے۔