27 جولائی ، 2022 
فیس بک کا کووڈ سے متعلق گمراہ کن مواد نہ ہٹانے کا فیصلہ
27 جولائی ، 2022
فیس بک کی جانب سے کووڈ 19 سے متعلق جعلی یا گمراہ کن پوسٹس کو ڈیلیٹ نہ کرنے کا عندیہ دیا گیا ہے۔
میٹا کی جانب سے جاری بیان کے مطابق ایسی پوسٹس کو ڈیلیٹ کرنے کی بجائے ان پر لیبل لگادیا جائے گا یا انہیں زیادہ صارفین تک رسائی نہیں دی جائے گی۔
میٹا کی جانب سے اس حوالے سے حتمی فیصلے سے قبل رائے لینے کے لیے فیس بک کے خودمختار اوور سائیٹ بورڈ سے رجوع کیے جانے پر غور کیا جارہا ہے۔
خیال رہے کہ فیس بک نے 2020 کے شروع میں دنیا میں کورونا وائرس کے پھیلنے کے بعد اس حوالے سے نقصان دہ پوسٹس پر پابندیاں عائد کی تھیں۔
اس وقت کمپنی کا کہنا تھا کہ اس طرح کی جعلی یا گمراہ کن پوسٹس سے لوگوں کو نقصان پہنچ سکتا ہے۔
2020 کے اختتام پر کووڈ ویکسینز متعارف کرانے پر فیس بک نے اس پالیسی کو اپ ڈیٹ کیا تاکہ ویکسینیشن کے حوالے سے گمراہ کن پوسٹس کی روک تھام کی جاسکے۔
میٹا کے مطابق ڈھائی کروڑ پوسٹس کو کورونا وائرس کی آغاز سے اب تک ڈیلیٹ کیا جاچکا ہے۔
مگر اب کمپنی کی جانب سے پالیسی پر نظرثانی پر غور کیا جارہا ہے اور اوور سائیٹ بورڈ کی رائے سے اس کا آغاز ہورہا ہے۔
میٹا کا اوور سائیٹ بورڈ مختلف تھنک ٹینکس اور یونیورسٹیوں کے ماہرین پر مشتمل ہے، البتہ اس معاملے پر بورڈ کی رائے کو ماننا کمپنی پر فرض نہیں ہوگا۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
