دیوالیہ ہونے کے بعد آئی ایم ایف کے پاس جانے والے سری لنکا کو کیا جواب ملا؟

12 جنوری 2022 کو سری لنکا نے اعلان کیا کہ وہ ملکی معیشت کی بہتری کیلئے عالمی مالیاتی فنڈ(آئی ایم ایف) کے پاس نہیں جائے گا بلکہ چین سے نئے قرضے حاصل کرے گا۔

سری لنکا نے اپنی لنکا بچالی، آئی ایم ایف پیکج لینے سے انکار، چین سے بات کرے گا

آئی ایم ایف کوئی جادو کی چھڑی نہیں، وقت آئی ایم ایف کے پاس جانے سے بہتر آپشنز موجود ہیں، گورنر مرکزی بینک

اس کے تقریباً 4 ماہ بعد سری لنکا معاشی طور پر تاریخ میں پہلی بار دیوالیہ ہوگیا۔ جنوری میں سری لنکا کے مرکزی بینک کےگورنر اجیت نیوارڈ کا کہنا تھا کہ آئی ایم ایف کوئی جادو کی چھڑی نہیں، اس کے بجائے ہم چین سے ایک اور قرض لینے کا ارادہ رکھتے ہیں۔

سری لنکن مرکزی بینک کے گورنر پر قومی اور بین الاقوامی سطح پر دباؤ بڑھ رہا تھا کہ وہ معاشی بحران سے نمٹنے کیلئے آئی ایم ایف سے بیل آؤٹ پیکج لے لیں تاہم انہوں نے اس دباؤ کو رد کرتے ہوئے کہا تھا کہ اس وقت آئی ایم ایف کے پاس جانے سے بہتر آپشنز موجود ہیں۔

سری لنکا تاریخ میں پہلی بار دیوالیہ

سری لنکا کے مرکزی بینک کے گورنر نے اعلان کیا کہ اب ملک دیوالیہ ہوگیا ہے کیونکہ وہ قرضے ادا کرنے کی سکت نہیں رکھتا۔

انہوں نے کہا تھا کہ چین کے ساتھ نئے قرض پر بات چیت حتمی مراحل میں ہے اور جلد نیا معاہدہ ہو جائے گا لیکن مئی 2022 میں سری لنکا دیوالیہ ہوگیا اور اس کے بعد بالآخر سری لنکا کو آئی ایم ایف کی چوکھٹ پر جانا ہی پڑا۔

اب اس حوالے سے آئی ایم ایف کے ایشیا پیسیفک ڈپارٹمنٹ کے ڈائریکٹر کرشنا سری نیواسن کا بیان سامنے آیا ہے جس میں انہوں نے سری لنکا کو مشورہ دیا ہے کہ اسے اپنے باہمی قرض خواہ چین سے قرضے کی از سر نو ترتیب پر بات کرے۔

آئی ایم ایف سے قرض کے معاملے پر بنگلادیش کا مؤقف سامنے آگیا

بنگلادیشی وزیر خزانہ اے ایچ مصطفیٰ کا کہنا ہے کہ آئی ایم ایف کو قرض کا کہا ہے لیکن معیشت مشکلات کا شکار نہیں

سری نیواسن نے کہا کہ ’چین ایک بڑا قرض خواہ ہے اور سری لنکا کو چاہیے کہ وہ قرض کو از سر نو ترتیب دینے کیلئے اس کے ساتھ فعال طریقے سے بات چیت کرے۔‘

خیال رہے کہ سری لنکا پر اس وقت چین کے 6.5 ارب ڈالر واجب الادا ہیں ۔ اس کے علاوہ دنیا کی دوسری بڑی معیشت چین نے سری لنکا میں ہائی ویز، بندرگاہ، ائیرپورٹ اور کول پاور پلانٹ کئ منصوبوں میں بھی سرمایہ کاری کر رکھی ہے۔ اس کے علاوہ بھارت اور جاپان بھی سری لنکا کو قرض دیتے رہے ہیں۔

سری نیواسن نے کہا کہ سری لنکا کی قرض کی درخواست پر آئی ایم ایف پروگرام کیلئے سری لنکن مرکزی بینک اور وزارت خزانہ کے حکام سے تکنیکی سطح پر بات چیت جاری ہے تاہم اسے دیگر قرض خواہوں سے بھی رابطہ کرنے کی ضرورت ہے۔

اس حوالے سے سری لنکن مرکزی بینک اور وزارت خزانہ کے حکام کا مؤقف سامنے نہیں آیا ہے جبکہ سری لنکا میں چینی سفارتخانے نے بھی اس پر کوئی تبصرہ نہیں کیا ہے۔

واضح رہے کہ جنوبی ایشیائی ملک سری لنکا نے آئی ایم ایف سے ریسکیو پلان کی درخواست کی ہے تاکہ اپنی معیشت کو استحکام دے سکے۔ سری لنکا 12 ارب ڈالر کے بیرونی قرضوں کی ادائیگی میں ناکامی کے بعد دیوالیہ ہوگیا تھا اور اب اس کے پاس ضروری اشیاء بشمول ایندھن خریدنے کیلئے بھی ڈالر موجود نہیں ہیں۔

سری نیواسن نے کہا کہ سری لنکا کی درخواست پر مزید پیش رفت کیلئے کچھ معاملات پر کام کرنا ضروری ہے تاہم انہوں نے یہ نہیں بتایا کہ معاہدے تک پہنچے کیلئے سری لنکن حکومت کو کیا کیا اصلاحات کرنی ہوں گی۔

خیال رہے کہ سری لنکا، بنگلا دیش اور پاکستان کے بعد تیسرا جنوبی ایشیائی ملک ہے جو آئی ایم ایف سے قرض کا خواہاں ہے۔