31 اگست ، 2022 
پاکستان
چائنیز ائیر فورس کے دو ٹرانسپورٹ طیاروں نے بدھ کی شام ایک ساتھ کراچی کے جناح انٹرنیشنل ائیرپورٹ پر لینڈ کیا— فوٹو: جیو نیوز
سیلاب زدگان کی امداد کیلئے چین سے مزید دو پروازوں کی کراچی آمد
31 اگست ، 2022
پاکستان میں سیلاب اور بارشوں سے متاثرہ علاقوں کے متاثرین کی امداد کیلئے چین سے مزید دو پروازیں پاکستان پہنچی ہیں۔
چائنیز ائیر فورس کے دو ٹرانسپورٹ طیاروں نے بدھ کی شام ایک ساتھ کراچی کے جناح انٹرنیشنل ائیرپورٹ پر لینڈ کیا۔
وزارت خارجہ کے نمائندے اور پاک فوج کے فائیو کور کے میجر فرقان اور دیگر نے کراچی ائیرپورٹ پر پروازوں کا استقبال کیا۔
سیلاب متاثرین کیلئے امدادی سامان لے کر چین سے اب تک چار پروازیں پاکستان پہنچ چکی ہیں۔
امدادی سامان میں کپڑے، خیمے، ادویات اور اشیائے خوردونوش شامل ہیں۔ ممکنہ طور پر یہ سامان بلوچستان یا سندھ کے سیلاب متاثرین میں تقسیم کیا جائے گا۔
