05 ستمبر ، 2022 
سانس کے ذریعے دی جانے والی دنیا کی پہلی کووڈ ویکسین تیار
05 ستمبر ، 2022
چین دنیا کا پہلا ملک بن گیا ہے جہاں ایک ایسی کووڈ 19 ویکسین کی منظوری دی گئی ہے جسے استعمال کرنے کے لیے انجیکشن کی ضرورت نہیں ۔
اس ویکسین کو سانس کے ذریعے جسم کے اندر پہنچایا جاتا ہے۔
یہ ویکسین کین سائنو بائیو لاجکس نے تیار کی ہے اور اس کی منظوری بوسٹر کے طور پر دی گئی ہے۔
چین کے نیشنل میڈیکل پراڈکٹس ایڈمنسٹریشن نامی ادارے کی جانب سے ویکسین کو ہنگامی استعمال کے لیے منظوری دی گئی ہے۔
یہ کین سائنو کی سنگل ڈوز ویکسین کا نیا ورژن ہے اور کمپنی کے مطابق اس کے استعمال سے خلیاتی اور mucosal مدافعت متحرک ہوتی ہے۔
یہ ویکسین 2 خوراکوں میں استعمال کرائی جائے گی اور ایک کے بعد دوسری خوراک 28 دن بعد دی جائے گی۔
کمپنی کے مطابق یہ ویکسین بیماری سے تحفظ فراہم کرنے میں انجیکشن کے ذریعے دی جانے والی ویکسین جتنی ہی مؤثر ہے۔
واضح رہے کہ دنیا بھر میں سانس کے ذریعے دی جانے والی کووڈ ویکسینز کی تیاری پر کام کیا جارہا ہے۔
چونکہ ایسی ویکسینز انجیکشن کے بغیر استعمال کی جاسکتی ہیں اس لیے ماہرین کا خیال ہے کہ یہ ویکسینیشن سے گھبرانے والے افراد کے لیے قابل قبول ہوں گی۔
اس نئی ویکسین کو Ad5-nCoV کا نام دیا گیا ہے اور اس کے لیے نزلہ زکام کا باعث بننے والے وائرس کو استعمال کیا گیا ہے تاکہ مدافعتی نظام کورونا وائرس سے مقابلہ کرنے کے لیے تیار ہوسکے۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
4 گھنٹے پہلے
غزہ پر اسرائیلی بمباری سے مزید 38 فلسطینی شہید
6 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
