21 اکتوبر ، 2022 
فیس بک گروپس میں اب ریلز ویڈیو پوسٹ کرنا ممکن
21 اکتوبر ، 2022
فیس بک میں گروپس کا استعمال کروڑوں افراد کرتے ہیں اور اب سوشل نیٹ ورک کے اس سیکشن کو نئے فیچرز سے زیادہ بہتر بنادیا گیا ہے۔
میٹا کی جانب سے ایک بلاگ پوسٹ میں اعلان کیا گیا ہے کہ ریلز کو فیس بک گروپس کا حصہ بنایا جارہا ہے۔
کمپنی کے مطابق صارفین اپنے گروپس میں ہاؤ ٹو گائیڈز اور دیگر مختصر ویڈیوز شیئر کرسکیں گے۔
اسی طرح گروپس میں گمراہ کن تفصیلات کو پھیلنے سے روکنے کے لیے بھی اقدامات کیے گئے ہیں۔
گروپ ایڈمنز جھوٹی خبروں پر مبنی پوسٹس کو خودکار طور پر پینڈنگ کے سیکشن میں منتقل کرسکیں گے تاکہ ڈیلیٹ کرنے سے قبل ان کا جائزہ لیا جاسکے۔
کمپنی کے مطابق اس سے گمراہ کن مواد کو وائرل ہونے سے روکنے میں مدد مل سکے گی۔
خیال رہے کہ فیس بک گروپس کو اس سوشل میڈیا نیٹ ورک میں گمراہ کن مواد کے پھیلاؤ کا بڑا ذریعہ تصور کیا جاتا ہے اور نئے فیچرز میں مثبت انگیج منٹ کو فروغ دینے کی کوشش کی گئی ہے۔
مزید خبریں :
سائنسدانوں کی ایسی منفرد ایجاد جو اے سی کی ضرورت ختم کردے گی
26 دسمبر ، 2024
فیس بک نے صارفین کو کمانے کا نیا موقع فراہم کردیا
26 دسمبر ، 2024
ناسا کا پارکر مشن سورج کے قریب ترین جانے میں کامیاب
25 دسمبر ، 2024
گوگل والٹ پیمنٹ سسٹم پاکستان آنے کیلئے تیار
25 دسمبر ، 2024
