08 نومبر ، 2022 
پاکستان
وفاق کی جانب سے ایک اور خط میں گریڈ21کے پولیس آفیسرغلام محمود ڈوگر کو بلاتاخیر اسٹیبلشمنٹ ڈویژن رپورٹ کرنے کی ہدایت کی گئی ہے— فوٹو: فائل
غلام محمود ڈوگر نے ہدایات پرعمل نہ کیا تو برخاست بھی کیاجاسکتا ہے: ذرائع
08 نومبر ، 2022
اسٹیبلشمنٹ ڈویژن نے معطل کیپیٹل سٹی پولیس آفیسر (سی سی پی او) لاہور غلام محمود ڈوگر کو ایک اورخط لکھا ہے۔
خط کے متن کے مطابق وفاق سے کئی خطوط بھیجے گئے، آپ نے ان پر عمل نہیں کیا۔
خط میں کہا گیا ہے کہ گریڈ21کے پولیس آفیسرغلام محمود ڈوگر بلاتاخیر اسٹیبلشمنٹ ڈویژن میں رپورٹ کریں۔
دوسری جانب ذرائع اسٹیبلشمٹنٹ ڈویژن کا کہنا ہے کہ غلام محمود ڈوگر نے ہدایات پر عمل نہ کیا تو برخاست بھی کیا جاسکتا ہے۔
خیال رہے کہ گزشتہ دنوں وفاقی حکومت نے سی سی پی او لاہور غلام محمد ڈوگر کو معطل کردیا تھا اور انہوں نے اس معطلی کے خلاف لاہور ہائیکورٹ سے رجوع کیا تھا جہاں عدالت نے ان کی درخواست ناقابل سماعت قرار دیتے ہوئے خارج کردی۔
