پاکستان
06 دسمبر ، 2022

آپ کی ہمت کیسے ہوئی وزیراعظم شہباز شریف سے تکرارکریں، عطا تارڑ تنویرالیاس پربرس پڑے

فوٹو: فائل
فوٹو: فائل

وزیر اعظم شہباز شریف کے معاون خصوصی عطا تارڑ نےکہا ہےکہ وزیراعظم آزادکشمیر کی ہمت کیسے ہوئی کہ وزیراعظم شہباز شریف سے تکرارکریں، اگرہمیں آج اجازت دیں تو تنویر الیاس اسلام آباد میں داخل نہ ہوسکیں۔

اسلام آباد میں پریس کانفرنس کے دوران وزیر اعظم کے معاون خصوصی عطا تارڑ  آزاد کشمیر کے وزیر اعظم پر برہم ہوگئے۔

ان کا کہنا تھا کہ وزیراعظم آزادکشمیرکو ڈوب مرنا چاہیے، آپ وزیراعظم کو پریشر میں لا کر اپنی ہاؤسنگ سوسائٹی اور شاپنگ مال کا این او سی لینا چاہتے تھے۔

عطا تارڑ نے الزام لگایا کہ تنویر الیاس نے عمران نیازی کو رشوت دے کر وزارت عظمٰی خریدی، بنی گالہ میں عمران نیازی اور اہل خانہ نے تنویر الیاس سے نوٹوں کا بیگ وصول کیا، ہماری قیادت آج اجازت دے تو تنویر الیاس اسلام آباد میں داخل نہ ہو سکیں، آپ کی اتنی خلاف ورزیاں ہیں۔

انہوں نے مزیدکہا کہ کشمیر کاز کو جتنا نقصان عمران خان اور ان کی جماعت نے پہنچایا کسی نے نہیں پہنچایا،کل کشمیر کاز کو دھچکا لگا ہے، تنویرالیاس نے سفارت کاروں کی موجودگی میں وزیر اعظم سے تلخ کلامی کی،  وہ چاہتے تھےکہ اپنی ہاؤسنگ سوسائٹی کا کا این اوسی حاصل کریں، ہم دباؤ میں آکر ہرگز این او سی جاری نہیں کریں گے۔


مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM