02 جنوری ، 2023 
ایپل کے نئے آئی فونز کے بارے میں لیکس کا سلسلہ شروع
02 جنوری ، 2023
ایپل کے نئے آئی فونز تو ستمبر میں متعارف کرائے جانے کا امکان ہے مگر لیکس کا سلسلہ شروع ہوگیا ہے۔
9 ٹو 5 گوگل کی ایک رپورٹ کے مطابق ایپل کی جانب سے آئی فون 15 میں کمپیوٹنگ پاور کی بجائے بیٹری لائف کو بہتر بنانے پر زیادہ توجہ مرکوز کی جائے گی۔
اس مقصد کے لیے اے 17 پراسیسر کو استعمال کیا جائے گا۔
ایپل کے لیے چپ بنانے والی کمپنی ٹی ایس ایم سی کے مطابق آئی فون 15 کے پراسیسر میں پرفارمنس کی بجائے بیٹری لائف کو زیادہ ترجیح دی جائے گی۔
ٹی ایس ایم سی کی 3 این ایم ٹیکنالوجی پر مبنی یہ پراسیسر آئی فون 15 سیریز کا حصہ بنے گا۔
اس وقت آئی فون 14 پرو ماڈلز میں 5 این ایم ٹیکنالوجی پر مبنی پراسیسر استعمال کیے جارہے ہیں۔
2023 کے آئی فون ماڈلز میں پہلی بار چارجنگ کے لیے یو ایس بی ٹائپ سی پورٹ بھی دیے جانے کا امکان ہے۔
اسی طرح آئی فون 15 اور 15 پلس کی قیمت بھی آئی فون 14 اور 14 پلس کے مقابلے میں کم کی جاسکتی ہے۔
اس کی وجہ آئی فون 14 پلس کی فروخت توقعات کے مطابق نہ ہونا ہے۔
مزید خبریں :
میٹا نے فیس بک میسنجر میں متعددد نئے فیچرز متعارف کرا دیے
24 نومبر ، 2024
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
