05 جنوری ، 2023 
پاکستان
فوٹو: فائل
انڈس ڈولفن کو مارنےکاکیس: ملزم کو 5 سال قید اور ڈھائی لاکھ روپے جرمانےکی سزا
05 جنوری ، 2023
انڈس ڈولفن کو مارنےکےکیس میں سیشن کورٹ سکھر نے ملزم کو 5 سال قید اور ڈھائی لاکھ روپے جرمانے کی سزا سنادی۔
سیشن کورٹ سکھر نےکیس میں نامزد دو ملزمان کو جرم ثابت نہ ہونے پربری کردیا، عدالتی حکم پر ملزم منور میرانی کو گرفتار کرکے جیل منتقل کردیا گیا۔
آفیسر وائلڈ لائف میر اختر تالپور کے مطابق منور میرانی نے اگست 2021 میں پنوعاقل کی نہر میں جال میں پھنسی نایاب نسل کی انڈس ڈولفن کو کلہاڑی کے وارکرکے مار دیا تھا۔
واقعےکی فوٹیجز سوشل میڈیا پر وائرل ہونے پر محکمہ جنگلی حیات نے3 ملزمان کے خلاف مقدمہ درج کیا تھا۔
عدالت کے حکم پر ڈولفن کو مارنےکی ویڈیو کی تصدیق پنجاب فارنزک لیبارٹری سے کرائی گئی تھی۔
