کیا دیسی انڈے فارمی انڈوں سے زیادہ بہتر ہوتے ہیں؟

انڈے پروٹین کے حصول کا بہترین ذریعہ ہیں جبکہ ان میں کیلشیئم کی مقدار بھی کافی زیادہ ہوتی ہے اور وٹامن ڈی سمیت متعدد غذائی اجزا بھی جسم کو ملتے ہیں۔

انڈوں کو پکانا بھی بہت آسان ہوتا ہے اور مختلف طریقوں سے انہیں پکا کر کھایا جاتا ہے۔

چینی کے زیادہ استعمال سے جسم پر کیا اثرات مرتب ہوتے ہیں؟

بیشتر افراد چینی کی بہت زیادہ مقدار کو اپنی غذا کے ذریعے جسم کا حصہ بنالیتے ہیں۔

مگر کیا دیسی انڈے بازار میں ملنے والے عام فارمی انڈوں سے زیادہ بہتر ہوتے ہیں؟

یہ کہنے کی ضرورت نہیں کہ بیشتر افراد کے خیال میں دیسی انڈے صحت کے لیے زیادہ مفید ہوتے ہیں مگر کیا یہ خیال واقعی درست ہے؟

ویسے دونوں میں ہی ایک واضح فرق موجود ہے اور وہ چھلکے کے رنگ کا ہے۔

دیسی انڈے ہلکے بھورے یا براؤن رنگ کے ہوتے ہیں جبکہ سفید انڈے ظاہر ہے سفید رنگ کے ہوتے ہیں۔

رنگ میں فرق کیوں ہوتا ہے؟

اس کا جواب بہت سادہ ہے، انڈوں کے چھلکوں کی رنگت کا انحصار مرغی کی نسل پر ہوتا ہے۔

دن بھر میں ایک وقت کا کھانا چھوڑنے سے جسم پر کیا اثرات مرتب ہوتے ہیں؟

دن میں کسی بھی وقت کا کھانے چھوڑنے کی عادت کے نتیجے میں جلد موت کا خطرہ بڑھتا ہے۔

سفید رنگ کی مرغی سفید انڈے دیتی ہے جبکہ عام دیسی مرغیوں کے انڈے ہلکے بھورے رنگ کے ہوتے ہیں۔

مگر دنیا میں مرغیوں کی چند اقسام ایسی بھی ہیں جو نیلے یا نیلگوں مائل سبز رنگ کے انڈے دیتی ہیں۔

جینز کے ساتھ ساتھ کچھ دیگر عناصر جیسے مرغیوں کی رہائش کا ماحول اور تناؤ وغیرہ بھی اس حوالے سے کردار ادا کرتے ہیں۔

مگر بنیادی عنصر مرغیوں کی نسل ہی ہے۔

تو کیا دیسی انڈے سفید انڈوں سے زیادہ صحت بخش ہوتے ہیں؟

جیسا اوپر درج کیا جاچکا ہے کہ بیشتر افراد کے خیال میں دیسی انڈے صحت کے لیے زیادہ مفید ہوتے ہیں۔

جگر کیلئے وہ تباہ کن غذا جو بیشتر افراد بہت شوق سے کھاتے ہیں

موجودہ عہد میں بیشتر افراد کی پسندیدہ غذا انہیں جگر کے امراض کا شکار بنارہی ہے۔

مگر حقیقت تو یہ ہے کہ غذائی اعتبار سے ہر طرح کے انڈے ایک جیسے ہی ہوتے ہیں، چاہے ان کا حجم یا رنگ کوئی بھی ہو۔

دیسی اور فارمی دونوں اقسام کے انڈے صحت کے لیے مفید ہوتے ہیں۔

ایک انڈے میں وٹامنز، منرلز اور پروٹین جیسے اجزا موجود ہوتے ہیں جبکہ کیلوریز کی تعداد 80 سے بھی کم ہوتی ہے۔

ماہرین نے دونوں اقسام کا تجزیہ بھی کیا اور ان کے مطابق دونوں میں کوئی فرق نہیں۔

متعدد تحقیقی رپورٹس میں دریافت کیا گیا کہ انڈوں کے چھلکوں کی رنگت سے اس کے معیار پر کوئی نمایاں اثرات مرتب نہیں ہوتے۔

ڈائٹنگ کے بغیر جسمانی وزن میں کمی لانے والے آسان ترین طریقے

ایسے آسان طریقوں کے بارے میں جانیں جن کی مدد سے آپ کھانے کی مقدار میں کمی لائے بغیر بھی جسمانی وزن اور چربی کو گھٹا سکتے ہیں۔

آسان الفاط میں رنگت کے علاوہ دونوں اقسام میں کوئی خاص فرق نہیں ہوتا۔

اس سے ہٹ کر انڈے کے صحت بخش ہونے کے حوالے سے چند عناصر اہم ہوتے ہیں۔

مثال کے طور پر مرغیوں کی رہائش کا ماحول اہم اثرات مرتب کرتا ہے، سورج کی روشنی میں گھومنے والی مرغی کے انڈوں میں پنجرے میں مقید مرغیوں کے انڈوں کے مقابلے میں 3 سے 4 گنا زیادہ وٹامن ڈی ہوتا ہے۔

اسی طرح مرغیوں کی غذا بھی انڈوں کے غذائی معیار پر اثر انداز ہوتی ہے۔

ذائقہ میں کوئی فرق ہوتا ہے؟

اس کا جواب یہی ہے کہ دونوں اقسام کے انڈوں کے ذائقے میں کوئی خاص فرق نہیں ہوتا۔

کیا رات گئے تک جاگنا صحت کے لیے نقصان دہ ہوتا ہے؟

رات گئے تک جاگنے والے افراد میں ایسی عادات کا امکان زیادہ ہوتا ہے جو مختلف امراض کا خطرہ بڑھاتی ہیں۔

مگر کچھ عناصر اس حوالے سے بھی کردار ادا کرتے ہیں یعنی مرغی کی قسم، اس کی غذا اور انڈے کو پکانے کا طریقہ ذائقے پر اثرانداز ہونے والے عوامل ہیں۔

انڈوں کو جتنے زیادہ عرصے تک رکھا جائے گا ان کا ذائقہ اتنا کم ہوجائے گا۔

تو دیسی انڈے زیادہ مہنگے کیوں ہوتے ہیں؟

اگرچہ دیسی اور فارمی انڈوں میں رنگت سے ہٹ کر کوئی خاص فرق نہیں ہوتا مگر دیسی انڈوں کی قیمت زیادہ ہوتی ہے۔

قیمت کی وجہ سے ہی بیشتر افراد کو لگتا ہے کہ دیسی انڈے صحت کے لیے زیادہ مفید ہوتے ہیں یا ان کا معیار سفید انڈوں سے بہتر ہوتا ہے۔

اکثر ہم نیند کے دوران ایک جھٹکے یا جھرجھری کے ساتھ بیدار کیوں ہوجاتے ہیں؟

اس کیفیت کے لیے طبی زبان میں ہائیپینک جرک کی اصطلاح استعمال کی جاتی ہے۔

مگر قیمت میں اضافے کی وجہ یہ ہے کہ انہیں دینی والی مرغیاں فارمی مرغیوں سے زیادہ بڑی ہوتی ہیں اور کم تعداد میں انڈے دیتی ہیں۔

اسی طرح ان کی غذا بھی کچھ مختلف اور مہنگی ہوتی ہے، ان وجوہات کے باعث دیسی انڈوں کی قیمت بھی زیادہ ہوتی ہے۔