20 جنوری ، 2023 
انسٹاگرام میں نیا کوائٹ موڈ متعارف، اس کا مقصد کیا ہے؟
20 جنوری ، 2023
انسٹاگرام کے صارفین لگتا ہے کہ اس ایپ پر اتنا زیادہ وقت گزارنے لگے ہیں کہ اب یہ کمپنی چاہتی ہے کہ لوگ کچھ دیر کے لیے تو اس سوشل میڈیا سے دور رہنا شروع کردیں۔
یہی وجہ ہے کہ میٹا کی زیرملکیت فوٹو شیئرنگ ایپ کی جانب سے کوائٹ موڈ نامی نیا فیچر متعارف کرایا گیا ہے۔
کوائٹ موڈ کے تحت انسٹاگرام ایپ نوٹیفکیشنز کو روک دیتی ہے، ایکٹیویٹی اسٹیٹس کو اپ ڈیٹ جبکہ ڈائریکٹ میسج پر خودکار جواب دیتی ہے۔
یہ فیچر اس وقت امریکا، برطانیہ، آئرلینڈ، کینیڈا، آسٹریلیا اور نیوزی لینڈ میں متعارف کرایا گیا ہے۔
میٹا کی جانب سے جاری بیان کے مطابق نوجوانوں کی جانب سے ہمیں کہا جاتا ہے کہ وہ کچھ دیر کے لیے ایپ سے دور رہ کر اپنے لیے وقت چاہتے ہیں اور رات کو دیگر کاموں پر توجہ مرکوز کرنا چاہتے ہیں۔
یہی وجہ ہے کہ اس فیچر کو متعارف کرایا گیا ہے۔
کمپنی کے مطابق اس فیچر کے تحت رات کو مخصوص وقت تک صارفین کو نوٹیفکیشنز نہیں بھیجے جائیں گے۔
انسٹاگرام کی جانب سے اس حوالے سے چند دیگر ٹولز بھی متعارف کرائے گئے ہیں۔
جب صارف کی جانب سے ایکسپلور میں کسی پوسٹ پر ناٹ انٹرسٹڈ کے بٹن پر کلک کیا جائے گا تو انسٹاگرام کی جانب سے اس سے ملتا جلتا مواد ریلز، سرچ اور دیگر حصوں میں دکھایا نہیں جائے گا۔
اسی طرح پرائیویسی سیٹنگز میں الفاظ، ایموجیز اور ہیش ٹیگز کو ایڈ کرکے ان سے متعلق مواد کی سجیشن کو روکنا ممکن ہے۔
انسٹاگرام کے ایکسپلور سیکشن میں صارفین کو متعدد پوسٹس بیک وقت ہائیڈ کرنے کی سہولت بھی فراہم کی جارہی ہے۔
مزید خبریں :
یوٹیوب نے صارفین کو کمانے کا ایک نیا ذریعہ فراہم کر دیا
15 نومبر ، 2024
واٹس ایپ میں نیا ڈرافٹ فیچر متعارف، استعمال کا طریقہ بھی جانیں
15 نومبر ، 2024
یورپی کمیشن نے میٹا پر 78 کروڑ یورو سے زائد جرمانہ عائد کر دیا
15 نومبر ، 2024
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
