خلا میں پینسل کی بجائے پین کا استعمال کیوں ہوتا ہے؟

ایسا اکثر کہا جاتا ہے کہ امریکی خلائی ادارے ناسا نے لاکھوں ڈالرز خرچ کرکے خلا میں لکھنے کے لیے ایک پین کو تیار کیا جبکہ روسی خلا بازوں کی جانب سے سستی پینسل استعمال کی جاتی ہے۔

مگر حقیقت تو یہ ہے کہ یہ بات ہی جھوٹی ہے۔

نئے دن کا آغاز رات 12 بجے کیوں ہوتا ہے؟

اس کا جواب سادہ نہیں بلکہ کافی الجھا ہوا ہے مگر یہ واضح ہے کہ ایسا قدیم روم کی مہربانی سے ہوا۔

خلا میں پینسل کی بجائے پین کو ترجیح دینے کی کہانی کافی دلچسپ ہے۔

پہلے تو یہ سمجھنے کی ضرورت ہے کہ خلا میں پین کو استعمال کیوں کیا جاتا ہے۔

اس کی بنیادی وجہ یہ ہے کہ پینسل خلائی سفر کے لیے موزوں نہیں۔

عام استعمال کے دوران پینسل اور اس کے سکے اکثر ٹوٹ جاتے ہیں جبکہ اس کے لکڑی اور گریفائٹ (پینسل کا سکہ) یہاں وہاں پھیل جاتے ہیں جو کہ آکسیجن کے دباؤ والے خلائی کیپسول میں آتشزدگی کا باعث بن سکتے ہیں اور خلا بازوں کی زندگیوں کو خطرہ لاحق ہوسکتا ہے۔

مگر ایسا نہیں کہ ناسا نے کبھی خلا میں پینسل کو استعمال کرنے کی کوشش نہیں کی۔

آپ اسٹرابیری کے اوپر موجود 'بیجوں' کی حقیقت جان کر دنگ رہ جائیں گے

اس کا جواب آپ کو دنگ کردے گا بلکہ محسوس ہوگا کہ آپ تو اسٹرابیری پھل کے بارے میں کچھ بھی نہیں جانتے۔

1965 میں امریکی خلائی ادارے نے 34 خصوصی ڈیزائن والی پینسلز تیار کی تھیں اور اسے توقع تھی کہ اس سے خلا بازوں کو لکھنے میں مدد ملے گی۔

ایسی ایک پینسل کی قیمت 128 ڈالرز تھی، یعنی سستی نہیں تھی مگر ان کے استعمال کا تجربہ بدترین ثابت ہوا۔

خوش قسمتی سے اسی زمانے میں متبادل ٹول بھی تیار ہوگیا۔

پال فشر نامی شخص نے اسپیس پین کو ایجاد کیا تھا۔

خواتین کی شرٹ میں بٹن بائیں جبکہ مردوں کی قمیص میں دائیں جانب کیوں ہوتے ہیں؟

مردوں اور خواتین کی شرٹس اور جیکٹس کا انداز ہی مختلف نہیں ہوتا بلکہ بٹنوں کی پوزیشن بھی بالکل مختلف ہوتی ہے۔

عام پین کے مقابلے میں اس اسپیس پین میں کشش ثقل کی بجائے نوزل سے سیاہی کو نکالنے کے لیے کمپریسڈ نائٹروجن کو استعمال کیا گیا تھا۔

اس کے نتیجے میں یہ خلا میں لکھنے کے لیے بہترین ڈیوائس بن گئی بلکہ الٹا کھڑے ہونے یا زیر آب بھی اس سے لکھنا ممکن تھا۔

اس کے بعد پال فشر نے 1965 اور 1967 میں ناسا سے رابطہ کرکے اسپیس پین آزمائش کے لیے دیے۔

امریکی خلائی ادارہ اسپیس پین سے اتنا متاثر ہوا کہ ایسے 400 پین مستقبل کے مشنز کے لیے خرید لیے۔

کچھ افراد کے ہاتھوں کی رگیں بہت زیادہ ابھری ہوئی کیوں ہوتی ہیں؟

یہ کوئی طبی مسئلہ نہیں مگر کچھ افراد کو لگتا ہے کہ اس سے ان کے ہاتھ بدصورت ہوگئے ہیں یا بڑھاپا ظاہر ہورہا ہے۔

روایات کے برعکس ناسا نے اس پین کے لیے کوئی خرچہ نہیں کیا تھا جبکہ روس نے بھی پینسل کا استعمال چھوڑ کر پال فشر کے اسپیس پین خرید لیے۔

پال فشر کی جانب سے امریکا اور روس کے خلائی اداروں کو ایک اسپیس پین 40 فیصد رعایت کے ساتھ 2.39 ڈالرز میں فروخت کیا گیا۔

پہلی بار اس پین کا استعمال 1968 میں اپولو 7 مشن کے دوران کیا گیا تھا اور اس کے بعد سے انسانوں کے تمام خلائی مشنز کے لیے اسے استعمال کیا جا رہا ہے۔