02 مارچ ، 2023 
دنیا میں پہلی بار 'اے آئی' حکومتی مشیر کام کرنے لگا
02 مارچ ، 2023
دنیا بھر میں مختلف شعبوں کے لیے آرٹی فیشل انٹیلی جنس (اے آئی) ٹیکنالوجی کا استعمال بڑھ رہا ہے۔
مگر اب پہلی بار ایک ملک کی حکومت نے اے آئی ٹیکنالوجی کو باضابطہ پر اپنا مشیر مقرر کر دیا ہے۔
جی ہاں واقعی یورپی ملک رومانیہ کے وزیراعظم نے اپنے 'نئے اعزازی مشیر' کو پیش کیا ہے، جو اے آئی ٹیکنالوجی سے لیس اسسٹنٹ ہے، جسے Ion کا نام دیا گیا ہے۔
رومانیہ کے وزیراعظم Nicolae Ciuca کے مطابق Ion کا بنیادی کام سوشل میڈیا نیٹ ورکس کو اسکین کرکے عوام کے منصوبوں اور خواہشات کو رئیل ٹائم میں حکومت کے سامنے پیش کرنا ہے۔
انہوں نے بتایا کہ یہ نیا حکومتی مشیر (جو دیکھنے میں ایک آئینے کی طرح ہے) دنیا میں اس طرز کا پہلا مشیر ہے جو اپنے کام کے لیے اے آئی ٹیکنالوجی کو استعمال کرتا ہے۔
انہوں نے اپنے نئے مشیر کو دنیا کے سامنے بھی پیش کیا جس نے اس موقع پر کہا کہ 'آپ نے مجھے زندگی اور اپنی نمائندگی کا موقع دیا'۔
حکومتی دستاویزات کے مطابق Ion سوشل میڈیا نیٹ ورکس پر دستیاب ڈیٹا کو حاصل کرکے اے آئی ٹیکنالوجی کی مدد سے عوامی رائے کو جانے گا۔
رومانیہ کے شہری ایک ویب سائٹ پر براہ راست Ion سے چیٹ بھی کر سکیں گے۔
رومانیہ کے وزیراعظم کا کہنا تھا کہ 'ہمارا ماننا ہے کہ اے آئی کا استعمال ایک آپشن نہیں بلکہ ہم پر فرض ہے تاکہ زیادہ بہتر فیصلے کیے جاسکیں'۔
واضح رہے کہ رومانیہ یورپ کے غریب ترین ممالک میں سے ایک ہے اور اسے مشرقی یورپ کا ٹیکنالوجی ہب بھی تصور کیا جاتا ہے۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
ایپل کا نیا آئی فون ایس ای 4 مارچ میں متعارف کرائے جانے کا امکان
13 نومبر ، 2024
گوگل میپس میں فضائی معیار جاننے میں مددگار نئے فیچر کا اضافہ
13 نومبر ، 2024
یوٹیوب میں ایسی تبدیلی جو ویڈیوز دیکھنے کے تجربے کو بدل دے گی
12 نومبر ، 2024
جی میل میں بہترین فیچر صارفین کے لیے متعارف
12 نومبر ، 2024
