15 مارچ ، 2023 
چیٹ جی پی ٹی کا پہلے سے بھی زیادہ بہتر ورژن متعارف
15 مارچ ، 2023
آرٹی فیشل انٹیلی جنس (اے آئی) ریسرچ لیب اوپن اے آئی نے چیٹ جی پی ٹی 4 متعارف کرا دیا ہے۔
یہ اس کمپنی کے انقلابی اے آئی سسٹم چیٹ جی پی ٹی کا نیا ورژن ہے جسے پہلے سے زیادہ تخلیقی قرار دیا گیا ہے۔
اوپن اے آئی کے شریک بانی سام آلٹمین نے بتایا کہ یہ ہمارا سب سے بہترین ماڈل ہے۔
انہوں نے کہا کہ یہ ملٹی ماڈل سسٹم ہے، یعنی ٹیکسٹ کے ساتھ ساتھ تصاویر کے ذریعے بھی سوالات پوچھے جا سکتے ہیں۔
جی پی ٹی 4 بہت زیادہ بڑی تحریری ہدایات کو بھی ہینڈل کر سکتا ہے اور ایک وقت میں 20 ہزار سے زیادہ حروف تحریر کر سکتا ہے، یعنی پورا ناول بھی تحریر کر سکتا ہے۔
یہ نیا ماڈل چیٹ جی پی ٹی پلس (چیٹ جی پی ٹی کا ماہانہ فیس والا ماڈل) کے صارفین کو دستیاب ہے۔
جی پی ٹی 4 کی صلاحیتوں کا مظاہرہ کرتے ہوئے اوپن اے آئی کے صدر گریگ بروک مین نے اس نئے ورژن کی تصاویر شناخت کرنے کی صلاحیت کی جھلک بھی پیش کی۔
کمپنی کا دعویٰ ہے کہ جی پی ٹی 4 کے ذریعے اس نے سابقہ ورژن میں موجود خامیوں کو ٹھیک کر دیا ہے اور اس نئے ماڈل میں بہت زیادہ ڈیٹا کو شامل کیا گیا ہے۔
مزید خبریں :
ناسا کا پارکر مشن سورج کے قریب ترین جانے میں کامیاب
7 گھنٹے پہلے
گوگل والٹ پیمنٹ سسٹم پاکستان آنے کیلئے تیار
8 گھنٹے پہلے
انسٹا گرام میں ایک دلچسپ فیچر کا اضافہ
24 دسمبر ، 2024
50 ہزار سال سے برف میں صحیح حالت میں منجمد اونی میمتھ دریافت
24 دسمبر ، 2024
ملک میں انٹرنیٹ اسپیڈ بڑھانے کیلئے جدید کیبل آج منسلک ہوگی
24 دسمبر ، 2024
