16 مارچ ، 2023 
مائیکرو سافٹ کا اے آئی ٹیکنالوجی پر مبنی سرچ انجن اب تمام افراد کیلئے دستیاب
16 مارچ ، 2023
مائیکرو سافٹ کی جانب سے فروری 2023 میں آرٹی فیشل انٹیلی جنس (اے آئی) ٹیکنالوجی پر مبنی بنگ سرچ انجن کو محدود صارفین کے لیے متعارف کرایا گیا تھا۔
اب مائیکرو سافٹ کے چیٹ جی پی ٹی سے لیس اس نئے سرچ انجن کو تمام صارفین استعمال کر سکتے ہیں۔
مائیکرو سافٹ کی جانب سے اس تبدیلی کی تصدیق تو نہیں کی گئی مگر ونڈوز سینٹرل نے ایک رپورٹ میں بتایا کہ بنگ سرچ انجن پر مائیکرو سافٹ اکاؤنٹ سے لاگ ان ہوکر اے آئی چیٹ بوٹ کو استعمال کرنا ممکن ہے۔
اس حوالے سے باضابطہ اعلان کمپنی کے 16 مارچ کو ہونے والے ایک ایونٹ میں متوقع ہے۔
اس سے قبل 15 مارچ کو مائیکرو سافٹ نے تصدیق کی تھی کہ نئے بنگ سرچ انجن میں جی پی ٹی 4 انجن کو استعمال کیا جا رہا ہے۔
دلچسپ بات یہ ہے کہ اوپن اے آئی نے چیٹ جی پی ٹی کے اس نئے ورژن کو متعارف کرانے کا اعلان 14 مارچ کو کیا تھا۔
چیٹ جی پی ٹی کا یہ نیا ورژن تحریر کے ساتھ ساتھ تصویری کمانڈ پر بھی تفصیلات فراہم کر سکتا ہے۔
اوپن اے آئی کی جانب سے جی پی ٹی 4 تک رسائی ماہانہ فیس کے عوض فراہم کی جارہی ہے مگر بنگ سرچ انجن میں اسے مفت استعمال کیا جا سکتا ہے۔
مزید خبریں :
ناسا کا پارکر مشن سورج کے قریب ترین جانے میں کامیاب
4 گھنٹے پہلے
گوگل والٹ پیمنٹ سسٹم پاکستان آنے کیلئے تیار
5 گھنٹے پہلے
انسٹا گرام میں ایک دلچسپ فیچر کا اضافہ
24 دسمبر ، 2024
50 ہزار سال سے برف میں صحیح حالت میں منجمد اونی میمتھ دریافت
24 دسمبر ، 2024
ملک میں انٹرنیٹ اسپیڈ بڑھانے کیلئے جدید کیبل آج منسلک ہوگی
24 دسمبر ، 2024
