شادی کرنے کے لیے بہترین عمر کونسی ہوتی ہے؟

اگر کوئی آپ سے پوچھے کہ شادی کرنے کی بہترین عمر کیا ہوتی ہے، تو کیا جواب دیں گے؟

حقیقت تو یہ ہے کہ اس سوال کا کوئی سادہ جواب ممکن نہیں کیونکہ ہر فرد مختلف ہوتا ہے اور شادی کے لیے کسی ایک مثالی عمر کا تعین کرنا ممکن نہیں۔

میاں بیوی کی عمر کے درمیان کتنا فرق ہونا بہتر ہوتا ہے؟

یہ وہ سوال ہے جو بیشتر افراد سوچتے ہیں اور اکثر اس کا جواب بھی ہمارے اردگرد کے افراد دیتے ہیں۔

مگر گزشتہ برسوں میں اس حوالے سے کافی تحقیقی کام ہوا ہے جس میں کچھ عمروں کو شادی کے لیے زیادہ بہتر قرار دیا گیا ہے۔

تحقیقی رپورٹس کے مطابق شادی کے لیے بہترین وقت کا انحصار متعدد عناصر پر ہوتا ہے اور بہترین عمر ہر فرد کے لیے مختلف ہوسکتی ہے۔

یہ بات ذہن میں رہے کہ ان تحقیقی رپورٹس کو حتمی نہیں کہا جا سکتا ہے، یعنی ضروری نہیں کہ ان کے نتائج کا اطلاق ہر فرد پر ہو، مگر اس بارے میں جاننا دلچسپی سے خالی نہیں، کیونکہ شادی کے بارے میں کہا جاتا ہے کہ یہ وہ لڈو ہے جو کھائے وہ پچھتائے اور جو نہ کھائے وہ بھی پچھتائے۔

26 سال

2016 میں ایک کتاب الگورتھمز آف لیو بائی دی کمپیوٹر سائنس آف ہیومین Decisions میں ریاضیاتی ماڈل کو مدنظر رکھ کر بتایا گیا کہ 26 سال کی عمر شادی کے لیے بہترین ہے۔

ایسا گانا جسے 100 سے زیادہ خودکشیوں کی وجہ سمجھا جاتا ہے

ایک خودکشی اس شخص کی تھی جس نے گانے کو کمپوز کیا۔

اس کتاب کے مطابق اگر آپ 26 سال سے کم عمر یا زیادہ عمر کے ہیں تو شادی کے بعد جھگڑوں کا امکان زیادہ ہوتا ہے۔

کتاب میں بتایا گیا کہ شادی کرنے میں جتنی زیادہ تاخیر کریں گے، شریک حیات کا انتخاب اتنا مشکل ہوگا۔

28 سال

امریکا کے نیشنل سروے آف فیملی گروتھ کے مطابق اگر شریک حیات سے زندگی بھر کا تعلق چاہتے ہیں تو 28 سے 32 سال کی عمر میں شادی کرنے پر طلاق کا خطرہ سب سے زیادہ کم ہوتا ہے۔

کئی بار ہماری آنکھوں کے سامنے یہ عجیب 'کیڑے' کیوں ناچنے لگتے ہیں؟

بینائی رکھنے والے 76 فیصد افراد کو اس کا تجربہ ہوتا ہے جسے فلوٹرز کہا جاتا ہے۔

اس سروے کے مطابق نوجوانی میں شادی کے بعد طلاق کا خطرہ زیادہ ہوتا ہے۔

32 سال

امریکن کالج آف Obstetricians and Gynecologists کی ایک تحقیق میں 32 سال کی عمر سے قبل شادی کرنے کا مشورہ دیا گیا۔

اس تحقیق میں کہا گیا کہ شادی کے بعد بچوں کو چاہتے ہیں تو 32 سال کی عمر تک شادی کرلیں کیونکہ اس کے بعد ہر گزرتے برس کے ساتھ اولاد کی پیدائش کا امکان کم ہونے لگتا ہے۔

25 سال

ہارورڈ یونیورسٹی کی ایک تحقیق میں بھی اس بارے میں بات کی گئی۔

کچھ افراد کے چہروں پر ڈمپل کیوں ہوتے ہیں؟

سوال یہ ہے کہ یہ خصوصیت چند چہروں کا ہی حصہ کیوں بنتی ہے؟

اس تحقیق میں بتایا گیا کہ مردوں کے لیے 25 سال کی عمر میں شادی کرنا بہترین ہوتا ہے۔

اس تحقیق میں بتایا گیا کہ مردوں کی شادی کا دورانیہ جتنا طویل ہوگا، ان کی زندگی کی مدت بھی اتنی طویل ہوگی۔

تحقیق میں بتایا گیا کہ تنہا رہنے والے مردوں کی جلد موت کا امکان شادی شدہ مردوں کے مقابلے میں زیادہ ہوتا ہے۔

30 سال

پرتگال کی کویمبرا یونیورسٹی کی ایک تحقیق میں بتایا گیا کہ 30 سال کی عمر تک شادی خواتین کے لیے بہترین ہے۔

اکثر چلتے یا بھاگتے ہوئے جوتوں کے تسمے کھل کیوں جاتے ہیں؟

تسموں کی گرہ کھلنے کے پیچھے چھپا راز کیا ہے؟ اس کا جواب سائنس نے جان لیا ہے۔

اس تحقیق میں دریافت کیا گیا کہ 30 سال کے بعد ماں بننے والی خواتین کی زندگی کی مدت طویل ہوتی ہے۔

25 سے 28 سال

البتہ اگر عوامی رائے کو مدنظر رکھا جائے تو مردوں اور خواتین کے خیال میں شادی کی بہترین اوسط عمر مختلف ہے۔

یہ دعویٰ کینیڈا کی البرٹا یونیورسٹی کی ایک تحقیق میں سامنے آیا۔

دنیا کا وہ منفرد ملک جہاں ایک سال 13 مہینوں پر مشتمل ہے

اس ملک میں آپ 'ٹائم ٹریول' کر کے ماضی میں چھلانگ لگا سکتے ہیں کیونکہ ابھی 2015 چل رہا ہے۔

اس تحقیق کے دوران خواتین نے 25 سال کی عمر میں شادی کے بندھن میں بندھنے کو بہترین وقت قرار دیا۔

تحقیق کے دوران مردوں نے 28 سال کی عمر میں شادی کو بہترین قرار دیا۔