جوڑوں کی تکلیف میں کمی کے لیے مفید غذائیں

کیا آپ جوڑوں کے درد میں مبتلا ہیں ؟ اگر ہاں تو آپ تنہا نہیں درحقیقت عمر کی چوتھی اور پانچویں دہائی میں اکثر افراد کو اس تکلیف کا سامنا ہوتا ہے۔

درحقیقت عمر بڑھنے کے ساتھ ہڈیاں بھی کمزور ہونے لگتی ہیں جس کے باعث جوڑوں کا درد لوگوں کو اپنا شکار بنالیتا ہے۔

ناخن گوشت میں دھنس جانے کے مسئلے سے نجات کیلئے مددگار طریقے

اگر متاثرہ حصہ انفیکشن کا شکار ہو جائے تو خود علاج کرنے کی بجائے ڈاکٹر سے رجوع کرنا چاہیے۔

عام طور پر یہ مرض خون میں یورک ایسڈ جمنے کے نتیجے میں ہوتا ہے۔

یہ یورک ایسڈ عام طورپر خون میں تحلیل ہوکر گردوں کے راستے پیشاب کے ذریعے نکل جاتا ہے مگر جب جسم میں اس کی زیادہ مقدار بننے لگے تو گردے اس سے نجات پانے میں ناکام رہتے ہیں۔

اس کے نتیجے میں یہ جوڑوں میں کرسٹل کی شکل میں جمنے لگتا ہے جس سے جوڑوں میں درد ہونے لگتا ہے۔

ویسے تو صرف غذا سے جوڑوں کی تکلیف کا علاج ممکن نہیں مگر اس سے آپ اپنی حالت کو کافی حد تک بہتر بنا سکتے ہیں۔

آنکھوں کے گرد سیاہ حلقوں سے جان چھڑانے والے آسان گھریلو ٹوٹکے

کوشش کریں کہ اپنی جلد کو 'سورج کی روشنی' سے براہ راست بچائیں، کیونکہ یہ سیاہ حلقوں کی وجہ بن سکتا ہے

جوڑوں میں تکلیف کی متعدد اقسام ہیں اور لگ بھگ سب میں ورم کا کردار اہم ہوتا ہے۔

یعنی ورم کنٹرول کرنے سے جوڑوں کی تکلیف کی شدت میں بھی کمی آسکتی ہے اور اس حوالے سے چند غذائیں اہم ثابت ہوسکتی ہیں۔

مچھلی

زیادہ چربی والی مچھلی میں فیٹی ایسڈز کی مقدار کافی زیادہ ہوتی ہے۔

یہ فیٹی ایسڈز جسمانی ورم میں کمی لاتے ہیں جس سے جوڑوں کی تکلیف کم ہو جاتی ہے۔

رات گئے تک جاگنے کی عادت سے لوگوں کی شخصیت پر کیا اثرات مرتب ہوتے ہیں؟

کیا اس عادت سے شخصیت پر کچھ مثبت اثرات بھی مرتب ہوتے ہیں یا نہیں؟

ایک تحقیق میں دریافت کیا گیا کہ ہفتے میں 2 یا اس سے زائد بار مچھلی کھانے سے جوڑوں کی تکلیف کی شدت میں نمایاں کمی آتی ہے۔

سبز پتوں والی سبزیاں

سبز پتوں والی سبزیاں جیسے پالک اور ساگ میں وٹامن اے، سی، ای اور کے (K)، میگنیشم، پوٹاشیم، کیلشیئم اور آئرن سمیت فائبر اور اینٹی آکسائیڈنٹس موجود ہوتے ہیں۔

وٹامن کے (K) ورم سے ہونے والے مسائل کی روک تھام کے لیے اہم ہوتا ہے۔

آخر کہنی ٹکرانے سے بہت زیادہ تکلیف کیوں ہوتی ہے؟

آخر کہنی کے اتنے چھوٹے سے حصے کا ٹکراؤ اتنا تکلیف دہ یا ہلا دینے والا کیوں ہوتا ہے؟

یہی وجہ ہے کہ پالک یا ساگ کھانے سے جوڑوں کی تکلیف کی شدت میں کمی آسکتی ہے۔

زیتون کا تیل

زیتون کا تیل بھی جسمانی ورم میں کمی لانے کے لیے مفید ہوتا ہے۔

ماہرین کے مطابق زیتون کے تیل میں ایسے کیمیکلز ہوتے ہیں جو ورم کے ردعمل کو کم کرتے ہیں جس سے جوڑوں کی تکلیف میں کمی آتی ہے۔

بیریز

بلیو بیری، اسٹرابیری اور دیگر بیزیز ورم کش خصوصیات سے لیس ہوتی ہیں۔

جوانی میں چہرے پر جھریوں کا باعث بننے والی عام وجوہات

ان وجوہات پر قابو پا کر آپ قبل از وقت جھریوں کو نمودار ہونے سے روک سکتے ہیں۔

ان میں متعدد وٹامنز، منرلز اور اینٹی آکسائیڈنٹس بھی موجود ہوتے ہیں جو جوڑوں کی تکلیف اور ورم میں کمی لانے کے لیے مدد فراہم کرتے ہیں۔

ترش پھل

مالٹے، لیموں اور گریپ فروٹ جیسے پھلوں میں فولیٹ، وٹامن سی اور دیگر منرلز کی مقدار کافی زیادہ ہوتی ہے۔

ماہرین کے مطابق وٹامن سی سے جسم میں یورک ایسڈ کی سطح گھٹ جاتی ہے جس سے جوڑوں کے مسائل سے بچنے میں مدد ملتی ہے۔

سیڑھیاں چڑھتے ہوئے اکثر سانس پھول جانا صحت کے بارے میں کیا بتاتا ہے؟

سانس پھولنے کا سامنا ایسے کاموں کے دوران ہو جن میں پہلے کبھی مسئلہ نہیں ہوتا تھا تو یہ خطرے کی گھنٹی ہے۔

سبز چائے

سبز چائے پینے کی عادت سے بھی جسمانی ورم میں کمی لانے میں مدد ملتی ہے۔

ایک تحقیق میں دریافت کیا گیا کہ سبز چائے میں موجود ای جی سی جی نامی جز جسمانی ورم میں کمی لاتا ہے۔

ایک اور تحقیق میں بتایا گیا کہ سبز چائے پینے سے جوڑوں کی تکلیف کی شدت میں کمی آتی ہے۔

سالم اناج

ایک تحقیق میں دریافت کیا گیا کہ سالم اناج جیسے جَویا براؤن چاول وغیرہ میں موجود فائبر، پروٹین اور دیگر اجزا سے جسمانی وزن میں کمی آتی ہے، جس سے جوڑوں کو فائدہ ہوتا ہے۔

سانس کی بو سے فوری نجات دلانے والے گھریلو ٹوٹکے

یہ بہت عام مسئلہ ہوتا ہے جس کا سامنا اس وقت ہوتا ہے جب منہ میں بیکٹریا کی تعداد بڑھ جاتی ہے۔

لوبیا

لوبیا میں فائبر اور پروٹین کی مقدار کافی زیادہ ہوتی ہے جبکہ اس میں موجود دیگر اجزا سے بھی دل کی صحت کو فائدہ ہوتا ہے اور جسمانی ورم میں کمی آتی ہے۔

جیسا اوپر درج کیا جاچکا ہے کہ جسمانی ورم میں کمی سے جوڑوں کی تکلیف میں کمی آتی ہے۔

لہسن اور پیاز

لہسن اور پیاز میں quercetin نامی اینٹی آکسائیڈنٹ ہوتا ہے جو ورم سے ہونے والے امراض جیسے جوڑوں کی تکلیف میں کمی لاتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔