جسم پر ظاہر ہونے والی وہ علامات جو تناؤ کا نتیجہ ہوتی ہیں

تناؤ کا سامنا ہم سب کو ہوتا ہے، یہاں تک کہ بچوں میں بھی اس کی علامات کو دیکھا جاسکتا ہے۔

روزمرہ کی مصروف زندگی ہو، مالی معاملات کا انتظام یا کسی رشتے دار سے خراب تعلق، تناؤ کی وجہ کچھ بھی ہوسکتی ہے۔

ٹانگ پر ٹانگ رکھ کر بیٹھنے سے ہماری صحت پر کیا اثرات مرتب ہوتے ہیں؟

بیشتر افراد ٹانگ پر ٹانگ رکھ کر بیٹھنے کو زیادہ آرام دہ سمجھتے ہیں۔

ویسے تو معمولی تناؤ نقصان دہ نہیں بلکہ انسان کو حالات سے مقابلہ کرنے میں مدد فراہم کرتا ہے، مگر بہت زیادہ تناؤ ذہن کے ساتھ ساتھ جسم کو بھی نقصان پہنچاتا ہے اور مختلف امراض کا خطرہ بڑھتا ہے۔

تناؤ کیا ہے؟

تناؤ خطرناک یا مشکل حالات میں جسم کے ردعمل کا نام ہے، اب چاہے صورتحال حقیقی ہو یا خیالات تک محدود۔

جب آپ کو خطرہ محسوس ہوتا ہے تو جسم میں ایک کیمیائی ردعمل پیدا ہوتا ہے جو آپ کو نقصان سے بچانے میں مدد فراہم کرتا ہے۔

دماغ کو ہمیشہ جوان اور اسمارٹ رکھنے والی عام عادات

عمر بڑھنے کے ساتھ دماغ تنزلی کا شکار ہونے لگتا ہے اور اس کا نتیجہ بڑھاپے میں الزائمر اور ڈیمینشیا جیسے امراض کی شکل میں بھی نکل سکتا ہے۔

اسے اسٹریس ریسپانس بھی کہا جاتا ہے اور اس کے دوران دل کی دھڑکن تیز ہوجاتی ہے، مسلز میں کھچاؤ پیدا ہوتا ہے، تیزی سے سانس لینے لگتے ہیں اور بلڈ پریشر بڑھ جاتا ہے۔

ہمارا جسم تناؤ کی معمولی سطح کو کنٹرول کرنے کے لیے ڈیزائن ہوا ہے مگر طویل المعیاد یا دائمی تناؤ کا مقابلہ نہیں کرسکتا۔

تناؤ سے جسم پر ظاہر ہونے والی علامات

جسمانی توانائی میں کمی۔

سردرد۔

جوانی میں چہرے پر جھریوں کا باعث بننے والی عام وجوہات

ان وجوہات پر قابو پا کر آپ قبل از وقت جھریوں کو نمودار ہونے سے روک سکتے ہیں۔

ہاضمے کے مسائل بشمول ہیضہ، قبض اور قے۔

مسلز میں تکلیف یا کھچاؤ محسوس ہونا۔

سینے میں تکلیف اور دل کا بہت تیزی سے دھڑکنا۔

بے خوابی۔

اکثر نزلہ زکام اور دیگر عام بیماریوں سے متاثر ہونا۔

جلد بوڑھا کر دینے والی عام عادات

کیا آپ کو معلوم ہے کہ آپ کی چند عادات سے بھی بڑھاپے کی جانب سفر تیز ہو جاتا ہے۔

کپکپی، کانوں میں گھنٹیاں بجنا، ہاتھوں پیروں میں ٹھنڈے پسینے آنا۔

جبڑے بھینچا اور دانتوں کو پیسنا۔

طویل المعیاد اثرات

اگر کسی فرد کو مسلسل تناؤ کا سامنا ہو تو امراض قلب، ہائی بلڈ پریشر، دل کی دھڑکن میں بے ترتیبی، ہارٹ اٹیک اور فالج کا خطرہ بڑھ جاتا ہے۔

اسی طرح موٹاپے، جلد اور بالوں کی قبل از وقت سفیدی یا گنج پن جیسے مسائل کا سامنا ہو سکتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔