وہ عام غذائی عادات جو سینے میں جلن جیسی تکلیف کا شکار بناتی ہیں

سینے یا گلے میں جلن کے احساس کا دل سے کوئی تعلق نہیں ہوتا۔

درحقیقت یہ تکلیف معدے میں موجود تیزابی سیال اوپر آنے کے باعث ہوتی ہے جس سے غذائی نالی متاثر ہوتی ہے۔

انزائٹی جیسے عام مرض سے بچنے کے طریقے جان لیں

دل کی دھڑکن کی رفتار بڑھ جانا، سانس چڑھنا، تھکاوٹ اور توجہ مرکوز کرنے میں مشکلات انزائٹی کی کچھ عام علامات ہیں۔

یہ بہت عام طبی مسئلہ ہے اور اکثر چند غذائی عادات کے نتیجے میں اس کا سامنا ہوتا ہے۔

بہت زیادہ مقدار میں کھانا

غذا کی بہت زیادہ مقدار میں کھانے سے سینے میں جلن کا سامنا ہوتا ہے۔

درحقیقت غذا جو بھی ہو اگر وہ بہت زیادہ مقدار میں کھائی جائے تو سینے میں جلن سے بچنا ممکن نہیں ہوتا۔

بہت تیزی سے کھانا

غذا کو بہت تیزی سے نگلنے سے بھی سینے میں جلن کی شکایت ہوتی ہے یا پہلے سے اس تکلیف کے شکار ہیں تو علامات کی شدت زیادہ بدتر ہوجائے گی۔

زرد دانتوں کی سفیدی بحال کرنے میں مددگار آسان طریقے

گھر میں رہتے ہوئے دانتوں کی زردی کو دور کرنا ممکن ہے۔

کھانے کو صحیح طرح چبائے بغیر نگلنے سے سینے میں جلن کا امکان بڑھتا ہے تو اپنی غذا کو اچھی طرح چبا کر نگلنا عادت بنائیں۔

زیادہ چربی یا چکنائی والی غذائیں

زیادہ چربی یا چکنائی والی غذائیں معدے میں زیادہ وقت تک موجود رہتی ہیں جس سے سینے میں جلن کا خطرہ بڑھتا ہے۔

تلی ہوئی غذاؤں سے یہ خطرہ زیادہ بڑھتا ہے۔

زیادہ تیزابیت والی غذائیں

ٹماٹر، مالٹے، لیموں اور گریپ فروٹ جیسی غذاؤں کے استعمال سے بھی سینے میں جلن کا امکان ہوتا ہے، خاص طور پر اگر انہیں خالی پیٹ کھایا جائے۔

6 گھنٹے سے کم نیند سے جسم پر کیا اثرات مرتب ہوتے ہیں؟

یہ ایک عادت متعدد امراض کا شکار بناسکتی ہے جبکہ دیگر مسائل الگ ہیں۔

سرکے کے استعمال سے بھی یہ خطرہ بڑھتا ہے۔

اس لیے ضروری ہے کہ ان غذاؤں کا استعمال خالی پیٹ مت کریں، اسی طرح اگر اکثر سینے میں جلن کی شکایت رہتی ہے تو ان غذاؤں کی مقدار کو کم رکھنے کی کوشش کریں۔

سوڈا اور کیفین والے مشروبات

مخصوص مشروبات کے استعمال سے سینے میں جلن کا امکان بڑھتا ہے۔

کیفین والے مشروبات جیسے کافی اور چائے سمیت سافٹ ڈرنکس یا سوڈا کے استعمال سے سینے میں جلن کی شکایت ہوسکتی ہے۔

چاکلیٹ

چاکلیٹ میں بھی کیفین کی مقدار کافی زیادہ ہوتی ہے اور اس کی زیادہ مقدار کھانے سے بھی سینے میں جلن کی شکایت ہو سکتی ہے۔

کس وقت اور کتنی ورزش کرنے سے جسمانی وزن میں کمی لانے میں مدد ملتی ہے؟

مگر کیا واقعی ورزش سے جسمانی وزن میں کمی لانے میں مدد مل سکتی ہے؟

چند حیرت انگیز غذائیں

اگر آپ مرچوں کا زیادہ استعمال کرتے ہیں تو سینے میں جلن کے مسئلے کے شکار ہونے پر حیران نہیں ہونا چاہیے۔

مگر یہ جان کر حیران ہو جائیں گے کہ جسم کو ٹھنڈک پہنچانے والی غذائیں جیسے پودینے کے استعمال سے بھی ایسا ہو سکتا ہے۔

پیاز اور لہسن کو کچا کھانے کی عادت بھی سینے میں جلن کا شکار بنا سکتی ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔