کس وقت اور کتنی ورزش کرنے سے جسمانی وزن میں کمی لانے میں مدد ملتی ہے؟

ہر فرد ہی خود کو موٹاپے سے بچانے کا خواہشمند ہوتا ہے اور جسمانی وزن بڑھنے پر اس میں کمی لانے کے لیے ورزش کا خیال ضرور آتا ہے۔

مگر کیا واقعی ورزش سے جسمانی وزن میں کمی لانے میں مدد مل سکتی ہے؟

رات کو نیند نہ آنے سے پریشان رہتے ہیں؟ تو اس کی وجہ یہ 5 عام طبی مسائل ہو سکتے ہیں

بے خوابی ایک ایسا مسئلہ ہے جس کا سامنا دنیا بھر میں کروڑوں افراد کو ہوتا ہے

صحیح بات تو یہ ہے کہ اس سوال کا جواب کافی پیچیدہ ہے۔

ورزش اور جسمانی وزن میں کمی کے حوالے سے سائنس کی رائے کیا ہے؟

گزشتہ دہائیوں میں متعدد تحقیقی رپورٹس میں ورزش اور جسمانی وزن میں کمی کے درمیان تعلق کا جائزہ لیا گیا۔

حالیہ تحقیقی رپورٹس میں دریافت کیا گیا کہ تنہا ورزش سے جسمانی وزن میں بہت زیادہ کمی لانا ممکن نہیں۔

زرد دانتوں کی سفیدی بحال کرنے میں مددگار آسان طریقے

گھر میں رہتے ہوئے دانتوں کی زردی کو دور کرنا ممکن ہے۔

رپورٹس کے مطابق غذائی کیلوریز کی مقدار اور ورزش دونوں سے جسمانی وزن میں زیادہ کمی آتی ہے۔

ایک تحقیق میں دریافت کیا گیا کہ ہر ہفتے 150 منٹ کی معتدل یا 75 منٹ کی سخت ورزش ڈائٹنگ کے بغیر جسمانی وزن میں کمی کے لیے کم از کم دورانیہ ہے۔

درحقیقت جسمانی وزن میں نمایاں کمی کے لیے روزانہ کم از کم 60 منٹ کی معتدل جسمانی سرگرمیاں جیسے تیز چہل قدمی کی ضرورت ہوتی ہے۔

6 گھنٹے سے کم نیند سے جسم پر کیا اثرات مرتب ہوتے ہیں؟

یہ ایک عادت متعدد امراض کا شکار بناسکتی ہے جبکہ دیگر مسائل الگ ہیں۔

ورزش جسمانی وزن کو طویل المعیاد بنیادوں تک مستحکم رکھتی ہے

ورزش کرنے کی عادت سے جسمانی صحت بہتر ہوتی ہے جبکہ عمر بڑھنے سے مسلز کے حجم میں آنے والی کمی کی روک تھام ہوتی ہے۔

آرام کے دوران جسم کتنی توانائی جلاتا ہے، اس کا تعین مسلز اور چربی کے حجم پر ہوتا ہے، اگر مسلز میں گوشت چکنائی سے زیادہ ہو تو جسم زیادہ توانائی جلاتا ہے۔

کینسر کی وہ عام علامات جو اکثر افراد نظر انداز کر دیتے ہیں

کینسر کی علامات کو نظرانداز کرنے کا نتیجہ تباہ کن ہوتا ہے۔

جسمانی وزن میں کمی کے لیے صرف غذا پر انحصار کرنے سے چربی کے ساتھ مسلز کا حجم بھی گھٹ جاتا ہے جبکہ میٹابولزم بھی سست ہو جاتا ہے۔

اگر آپ جم جاتے ہیں تو ضروری نہیں کہ روزانہ وہاں جائیں، ہفتے میں صرف 26 دن کی سخت ورزش سے بھی اچھی غذائی عادات کے ساتھ جسمانی وزن میں کمی لانے کے لیے مؤثر ثابت ہوتی ہے۔

تحقیقی رپورٹس میں یہ بھی ثابت ہوا ہے کہ جسمانی سرگرمیاں اور ورزش سے جسمانی وزن میں کمی کے بعد اس کو دوبارہ بڑھنے سے روکنے میں مدد ملتی ہے۔

مچھروں کو خود سے دور رکھنا چاہتے ہیں؟ تو یہ آسان طریقے آزمائیں

کیا آپ کو معلوم ہے کہ چند عام طریقوں سے آپ مچھروں کو خود سے دور رکھ سکتے ہیں؟

ایک تحقیق میں بتایا گیا کہ روزانہ 75 منٹ کی چہل قدمی سے جسمانی وزن میں نمایاں کمی لانے میں مدد ملتی ہے۔

ورزش سے مجموعی صحت بہتر ہوتی ہے

ورزش کرنے سے جسم اور ذہن دونوں کی صحت کو فائدہ ہوتا ہے۔

یہاں تک کہ چند منٹ کی ورزش سے بھی متعدد بیماریوں جیسے امراض قلب، ذیابیطس ٹائپ 2 اور کینسر سے متاثر ہونے کا خطرہ کم ہوتا ہے۔

آنکھ کے اندر کوئی چیز چلے جانے کے بعد اسے باہر کیسے نکالیں؟

آنکھ میں کچھ چلے جانے کے بعد اسے باہر نکالنا اتنا مشکل نہیں ہوتا۔

تحقیقی رپورٹس سے ثابت ہوا ہے کہ صحت کے لیے ورزش کی اہمیت اتنی ہی زیادہ ہے جتنی جسمانی وزن کی، کیونکہ ذیابیطس اور امراض قلب کا خطرہ بڑھانے والے بیشتر عناصر موٹاپے سے جڑے ہیں۔

ورزش کرنے سے ان عناصر سے بچنے میں مدد ملتی ہے۔

جسمانی طور پر متحرک فرد اگر موٹاپے سے متاثر ہو تو بھی اسے میٹابولک کے اعتبار سے صحت مند تصور کیا جاتا ہے، یعنی بلڈ پریشر، کولیسٹرول اور انسولین کی سطح مستحکم ہوتی ہے۔

تربوز کھانے کے وہ فوائد جو اس پھل کا ذائقہ دوبالا کر دیں گے

اس مزیدار پھل کے وہ فوائد جانیں جن کو جان کر اس کا ذائقہ مزید بہتر محسوس ہونے لگے گا۔

ایسے شواہد موجود ہیں جن سے موٹاپے اور کسی بھی بیماری سے قبل از وقت موت کے درمیان تعلق ظاہر ہوتا ہے۔

صحت بہتر ہونے کے ساتھ ساتھ ورزش سے جسم مضبوط ہوتا ہے جبکہ تناؤ اور ڈپریشن کی علامات کی شدت میں کمی آتی ہے جس سے نیند بھی بہتر ہوتی ہے۔

جسمانی وزن میں کمی لانے کے لیے ورزش کرنے کا بہترین وقت

فروری 2023 میں سوئیڈن کے کیرولینسکا انسٹیٹیوٹ اور ڈنمارک کی کوپن ہیگن یونیورسٹی کی تحقیق میں بتایا گیا کہ صبح کے وقت ورزش کرنے سے میٹابولزم زیادہ متحرک ہوتا ہے جس سے چربی گھلانے میں مدد ملتی ہے۔

لوگ موٹاپے کے شکار کیوں ہوتے ہیں؟ سائنسدانوں نے وجہ جان لی

محققین نے مردوں اور خواتین میں موٹاپے کا باعث بننے والی ایک اہم وجہ دریافت کیا ہے۔

تحقیق میں دریافت کیا گیا کہ غذا جو بھی ہو مگر صبح ورزش کرنے سے جسمانی وزن میں کمی آنے کا امکان بڑھ جاتا ہے۔

محققین نے بتایا کہ دن کے مختلف اوقات میں جسمانی سرگرمیوں سے جسم پر مختلف اثرات مرتب ہوتے ہیں کیونکہ ہماری جسمانی گھڑی اس حوالے سے اثرات مرتب کرتی ہے۔

محققین کے مطابق نتائج سے عندیہ ملتا ہے کہ چربی گھلانے اور میٹابولزم کو بہتر بنانے کے لیے شام کے مقابلے میں صبح ورزش کرنا بہتر ہوتا ہے۔

انہوں نے کہا کہ ورزش کا درست وقت جسمانی توانائی کے توازن اور صحت کے لیے اہم ہوتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔